شن ايمن يونس نجم الزمالك السابق ، هجوما ضد احمد حجازي مدافع منتخب مصر ، بسبب اعتراضه على حسام حسن مدرب المنتخب في مباراة كاب فيردي الأخيرة .
وقال ايمن يونس في تصريحات لبرنامج البريمو عبر شاشة قناة TEN الفضائية تقديم الإعلامي محمد فاروق : اول ماتش مميز لحسام حسن مع منتخب مصر ، شفنا شغل المدرب فيه تحولات هجومية كتيرة ، اتفاجئنا بالتشكيل ، والفكرة نجحت .
وزاد : وحمدي فتحي لعب بشكل مختلف ، ودا كان ماتش حمدي فتحي ، ولولا المشكلة كان زمان حجازي موجود الماتش الجاي ، لان الماتش الجاي هيحتاجه.
واستمر : كل مباراة لها ظروفها.
وأكد : الماتش الجاي صعب جدا ، لازم تضغط على بتسوانا الماتش الجاي ، ولو مسجلتش بدري الفرقة دي هتطمع.
وشدد : اللى عمله حجازي غير احترافي ، ازعل واتقمص بعد الماتش ، النقاش اللى حصل ماشي يزعل ، لكن لما الماتش يخلص ، مش اثناء الماتش، أنت عندك رصيد كبير، إحنا بنفتخر بيك ، هي سقطه صغيره ، لكن احنا عيلة.
وأتم : استبعاد حجازي كان مهم ، علشان يثبت شخصية حسام حسن ، لكن منعدموش ، ممكن يكون موجود في أكتوبر.
شاهد الفيديو
