علق احمد حسام ميدو ، على مطالب رحيل البرتغالي جوزية جوميز عن الزمالك بحجة ضعف الأداء في آخر مباراتين بالكونفدرالية .
وقال احمد حسام ميدو في تصريحات لبرنامج ملعب اون تايم المذاع عبر شاشة قناة اون تايم سبورتس الفضائية تقديم الإعلامي سيف زاهر : التفكير في تغيير جوميز مخاطرة كبيرة جدا .
وواصل : انا شايفه شغال كويس وفيه تحامل عليه ، من حق الجمهور يقلق لان المستوي آخر ماتشين مش كويس، لكن متنساش إن فيه تفاوت بدني وفيه لعيبة لسه راجعه من الراحة.
وأكد : جوميز السنه اللى فاتت بطل الكونفدرالية وجه في نص الموسم ، ولازم ياخد مساحته.
وشدد : التغيير اللى تمشي فيه المدرب انه يفقد السيطرة على أوضة اللبس ، ودا محصلش ، الراجل فيه دعم كبير جدا له من اللاعبين وثقة كبيرة .
وأتم : معرفش الإدارة واثقه في جوميز ككل ولا لا، والمفروض إن المجلس كامل ملوش دعوة ، المختصين بالكرة فقط ، هما اللى يقولوا.
شاهد الفيديو
