حسام المندوه في تصريح صادم: جهزت استقالتي من الزمالك لهذا السبب.. ورسالة هامة للجماهير

كشف الدكتور حسام المندوه أمين صندوق نادي الزمالك أنه فكر في وقت سابق في تقديم استقالته من منصبه داخل القلعة البيضاء بسبب كثرة الطعون التي كانت موجودة على المجلس بعد انتخابه.

وقال ” المندوه” :” انا قعدت 7 شهور كل يوم بيترفع عليا قضية جديدة تحديداً انا و كنت بجهز ورقي عشان استقيل من النادي بسبب الطعون في كل قرار باخده او توقيع ليا”.

وأضاف ” المندوه” خلال استضافته في برنامج ” الكورة مع فايق” على قناة ” إم بي سي مصر 2 ” :” التيار المضاد كان أكبر لولا الحكم اللى انا خدته بصحة موقفي و قولت كده هعرف اشتغل”.

ووجه ” المندوه” رسالة خاصة إلى جماهير الزمالك قائلا :” يا جماهير النادي الوضع في النادي صعب حداً جداً جداً و محتاجين بجد ان الناس تدعمنا”.

وتابع :” احنا عندنا مشاكل و خلافات كتير بس كل شوية بيحصل حاجة تجمعنا تاني عشان نلحق النادي من الكبوة اللي هو فيه و ده تحدي لينا و المشوار طويل و اللي احنا فيه ده بدايات”.

وأختتم ” المندوه” :” احنا مش هننجح غير بيكو سواء جمهور النادي .. المحبين .. الجمعية العمومية”.