![رد مثير من عبد الواحد السيد على تصريحات ماجد هاني 1 رد مثير من عبد الواحد السيد على تصريحات ماجد هاني](https://zamalek.news/wp-content/uploads/2024/09/28351614113922202408310717351735.jpg)
رد عبد الواحد السيد، مدير الكرة بالفريق الأول لكرة القدم بنادي الزمالك، على تصريحات ماجد هاني لاعب الفارس الأبيض العائد من الإعارة بنادي بلدية المحلة.
وقال السيد في تصريحات صحفية لموقع”المصري اليوم”: كلام ماجد هاني ليس له علاقة بالواقع على الاطلاق، وأي قرار فني يصدر فقط من جوميز وهو من منحني التقرير الخاص باللاعبين المعاريين”.
وكان ماجد هاني قد قال في تصريحات عبر قناة “صدى البلد”:” أنا اتقالي من اللاعبين اللي بيتعامل ويمشي ويقعد هو عبدالواحد السيد، أنا دلوقتي اتقيدت في النادي محليًا وعرفت بالصدفة، ده حفظ حقوق عشان ممشيش بشكل حر وييجي للزمالك عروض”.
وتابع: “أنت دلوقتي مش عايزني وعبدالواحد السيد بلغني إني مش موجود وأشوف عرض عشان أمشي ومش محتاجني، طيب ما في ناس تاني واخدة استغناء”.
وشدد ماجد:” الفترة اللي كانت قبل كدة أنا كنت بتمرن وأنا بعيط مع فريق الأمل وصعبان على نفسي، أنا ليه بيحصل معايا كدة، الموضوع مكنش فني أنا بتحارب من النادي اللي أنا اتربيت فيه من أشخاص معينة، ناس موجودة وناس لا”.
وأتم: “أنا مستني أشوف اللي هيحصل معايا، أنا قاعد في البيت مش عارف إيه اللي هيحصل معايا، معرفش حتى المفروض أتواصل مع مين، وآخر حاجة حصلت لما اتكلمت مع عبدالواحد السيد”.