رد ناري من شيكابالا على منتقدي الزمالك بعد التتويج بالسوبر الإفريقي.. “احنا فريق كبير قوي”
رد محمود عبدالرازق شيكابالا، قائد الزمالك، على كل المسيئين للفارس الأبيض قبل مواجهة الأهلي في السوبر الإفريقي وشككوا في حصد اللقب.
وحقق الزمالك فوزًا غاليًا على الأهلي بركلات الترجيح 4-3، بعد انتهاء الوقت الأصلي بهدف لمثله، ليتوج بكأس السوبر الأفريقي الخامس في تاريخه.
وقال شيكابالا في تصريحات تليفزيونية عبر قناة “mbc مصر”:” الناس قبل الماتش مكنوش مصدقين اننا هنفوز، الناس طلعوا في التليفزيون واعطونا الدافع احنا بنرد على كل اللي اتكلم علينا وقالوا متسافروش”.
وأضاف: “الواحد مننا بعشرين فرقه، وادونا دافع طلعوا قالوا الزمالك ميسافرش لا الزمالك كبير قوي، وريت اللاعيبه كل ده وانهم بيحتفوا قبل الماتش جمهور الزمالك صدقنا وجه ورانا وبشكرهم”.
وتابع شيكابالا:” اتكلموا علينا بطريقه مش كويسه رشح اللي عاوزه لكن متقللش من الزمالك الزمالك كبير، بنحترم بعض كلعيبه وبنحترم نفسنا قبل جماهيرنا واحترمنا التيشرت وقفلنا على نفسنا حطيت الفيديو بالتصريحات وقولتلهم اتفرجوا وشوف الناس بتقول ايه عليكم، جمهور الزمالك 600 واحد في اوضه اللاعيبه بتعيط علشانهم”.
وواصل: “مسكنا لماتش وقدمنا كره حلوه التوفيق كان معنا، قولت ناصر منسي هيحيب جول، انا عارف فرقتي وعارف اننا هنكسب وبحب ناصر جدا هو الناس انتقدته كتير قولتله النهارده فرصتك مفيش احلى من ماتش النهارده انه يصالحهم بقى ناصر سوبر واشتغل لما انتقذ وكافح لما جتله من عند ربنا”.
وأردف شيكابالا:” مهما اقول لجمهور الزمالك مش هوفيهم حقهم هم صدقونا ومحدش كان مصدقنا”.
وأختتم: “بانتقد بعض جمهور الزمالك اللي عملوا فيديوهات بيسيئوا لنا وبشكر اللي شجعونا كنا عاوزين نبدا الموسم ببطولة وده ابثتلهم اننا نقدر، وقولت لكابتن حسين هنكسب”.
