رد ناري من نجم الزمالك السابق على تصريحات أحمد بلال بشأن الأبيض.. “اتكلم باحترام وعيب”!! – فيديو
رد وائل القباني، نجم الزمالك السابق، على تصريحات أحمد بلال مهاجم الأهلي الأسبق، المستفزة ضد الفارس الأبيض والتي أثارت غضب جماهيره، قبل مواجهة القطبين في السوبر الإفريقي.
وكان أحمد بلال قد قال في تصريحات تليفزيونية ببرنامج “+90″، عبر قناة النهار:” الأحسن للزمالك عدم السفر للسعودية لمواجهة الأهلي، مش هيجيب كورة في العارضة ومستواه متواضع، والنتيجة محسومة بنسبة كبيرة للأحمر”.
وقال القباني في تصريحات متلفزه عبر نفس البرنامج والقناة: “مبحبش التصريحات التريند التقييم حاجة وإنك تسيئ لنادي الزمالك حاجة تانية، لازم تعرف إن الزمالك نادي كبير، مينفعش مثلًا النادي الأهلي مستواه يكون نازل في 5 أو 6 مباريات، وأقول ما يُروحش المباراة أحسن”.
وتابع:” ممكن أقول الأهلي مش هيكسب وفقًا لأدائه في الفترة الأخيرة، ده أسلوب محترم، أنا اتعودت لما أتكلم على حد أتكلم باحترام، مفيش حاجة اسمها تقول الزمالك ما يسافرش مينفعش تقول الزمالك مش هيجيب رمية تماس، الزمالك نادي كبير، وعيب تقول كده”.
وشدد القباني: “كلامك كلام تريندات، عيب اللي أنت بتقوله، أنا لما بتكلم على الأهلي بتكلم باحترام، لما تيجي تتكلم على الزمالك تتكلم باحترام، لان اللي بيحترم بيحترم نفسه”.
وأختتم:” انا لما أتكلم عن الأهلي حتى لو مش في مستواه هقول نادي الزمالك كفته أرجح بنسبة 70% لكن ينفع أقول النادي الأهلي ميسافرش، هل دي قيمة النادي الأهلي؟ ودي برضه مش قيمة الزمالك”.
شاهد:
