“روح الفانلة السودة” .. تعليق ناري من عمرو أديب على فوز الزمالك بالسوبر الإفريقي – فيديو
علق الإعلامي عمرو أديب على فوز نادي الزمالك ببطولة السوبر الإفريقي على حساب الأهلي في المباراة التي جمعت الفريقين على ملعب المملكة أرينا في العاصمة السعودية الرياض مساء الجمعة.
وقال “عمرو” خلال تقديمه حلقة جديدة من برنامج ” الحكاية” على قناة “إم بي سي مصر ” : “لو كان فيه حاجة تتعلمها من ماتش إمبارح هي الآتي، أوعى تقلل من حجم الزمالك أوعى تفتكر إن الزمالك لقمة طرية أو ممكن تتريق عليه أو تعتبره فريق سهل”.
وتابع :” الزمالك ده تاريخ وموهبة ومهارة وروح، اتفرج إمبارح على روح الفانلة السوداء يا عيني يا منسي وأنت بتدخل الجون الحلال الملعوب والحريف، أحسن حاجة عملوها إنهم حفلوا علينا قبل الماتش وناصر منسي جاب القاضية ممكن، وأنت بتتريق علينا يا رامي ربيعة لازم تشرب بتتريق على مين، هو ده الزمالك يا ابني مينفعش تتريق علينا، حالة غرور واعتزاز من الأهلي غير طبيعية”.
أكمل ” عمرو” :” إمبارح الحظ بيقولك تعالى ده وسام أبو علي بيضيع ركلة جزاء، يجي الحظ الزملكاوي لأول مرة من 20 سنة الجنرال حظ يبتسم للزمالك، ما تتريقش على الزمالك وبلاش غرور احترم نفسك أنت في حضرة نادي العظماء، امبارح اللي كان بيلعب أحسن هو الزمالك، اتحسب للأهلي بنالتي طيب البنالتي بتاعت الزمالك فين وأين الفار وفين الطرد بتاع حسين الشحات ولا الهوا”.
وأختتم “عمرو” : “في النهاية يفوز نادي الزمالك واحذروا غضب الزمالك، بقالنا مدة طويلة مستنيين نصرة وحاجة تدفعنا والماتش ده على فكرة مكنش هيفيد الأكل بحاجة عندهم كاسات كتير إنما الزمالك كان محتاج إلى ركلة البداية ليصل إلى أعلى المستويات، هذا هو عام الزمالك، الأهلي ملعبش بجنيه أقسم بالله كان في أسوأ حالاته وأول مرة أشوف الأهلي قلقان جدا وخايف، لأول مرة اللى يكسب اللي يستحق والحظ مش كل حاجة الأهم هو المجهود”.
وتوج فريق الزمالك ببطولة كأس السوبر الأفريقي بعد الفوز على الأهلي 4-3 بركلات الترجيح في المباراة التي أقيمت بينهما باستاد المملكة أرينا بعد انتهاء الوقت الأصلي بالتعادل الإيجابي بهدف لكل فريق.
شاهد:
