نجم الزمالك ينفجر في لاعبي الفريق بين شوطي مباراة الأهلي ” مش عايز اسمع صوت حد” – فيديو

كشف الإعلامي محمد المحمودي عن كواليس ماحدث داخل اوضة اللبس داخل نادي الزمالك بين شوطي مباراة الأهلي في السوبر الإفريقي أمام الأهلي.

وشهدت نهاية الشوط الأول في قمة السوبر الإفريقي بين الزمالك والأهلي حالة من الغضب لدى لاعبي الفارس الأبيض بسبب احتساب الحكم الليبي معتز الشلماني ركلة جزاء لصالح الأهلي.

وأضاف ” المحمودي” خلال تقديمه حلقة جديدة من برنامج ” هاتريك” على قناة ” أون تايم سبورتس 2 ” :” أوضة اللبس بتاعه الزمالك بين الشوطين حرفيًا كانت حرب.. اللاعيبة كانت شايفة فقط ان الحكم ظلم الزمالك ومحدش شايف حاجه تانيه”.

وتابع :” على غير العادية عبدالله السعيد زعق في اللاعيبة كلها وقالهم حرفيًا :” مش عايز اسمع صوت حد هنا .. كله يسكت ” ملناش علاقة بالتحكيم اللى حصل حصل.. احنا هننزل الشوط الثاني نكسب”.

وأوضح “المحمودي” :” عبدالله قال لزمايله جوميز هيدخل يقلنا هنعمل ايه الشوط التاني عشان ننزل نكسب، وملناش علاقة بأي حاجة تاني”.

وتوج فريق الزمالك ببطولة كأس السوبر الأفريقي بعد الفوز على الأهلي 4-3 بركلات الترجيح، في المباراة التي أقيمت باستاد المملكة أرينا في الرياض بعد انتهاء الوقت الأصلي بالتعادل الإيجابي بهدف لكل فريق.

شاهد: