رد أمير توفيق رئيس لجنة التعاقدات السابق في النادي الأهلي على التصريحات المثيرة التي ادلى بها أحمد القندوسي لاعب الفريق الأحمر المعار إلى صفوف سيراميكا كليوباترا بشأن تدخلات وكلاء اللاعبين في صفقات الفريق.
وأثار أحمد القندوسي لاعب وسط النادي الأهلي المعار إلي صفوف نادي سيراميكا كليوباترا حالة من الجدل خلال الساعات الماضية بعد تصريحاته عن تدخل وكلاء اللاعبين في صفقات اللاعبين الأجانب
وقال ” أمير” :” كانت صعبة مش منطقية، في اليوم التالي كلمت محمد رمضان، وقال لي هنعمل مواجهة وأنا كنت عايز كده، لأن دي حاجة تقيلة وقوية”.
أشار :” لأننا لوهنتكلم في ذمة مالية وعمولات ده مش مقبول على أي شخص يحترم نفسه وأسرته والكيان، وعشان النادي نظام مؤسسي كل حد له دور ينفذه بشكل مظبوط”.
وأضاف ” توفيق” في تصريحات لبرنامج ” الكورة مع فايق” على قناة “إم بي سي مصر 2 :” كلمت محمد رمضان ومشكورا اتصرف بسرعة، وطلع قرار إن الموضوع هيكون فيه تحقيق”.
وأوضح ” توفيق” :” لم أتواصل مع الكابتن الخطيب، الخطيب يعتبر أبويا مش هيقيم أمير توفيق دلوقتي، أنا كنت محتاج الناس هي اللي تفهم”.
وتابع :” الذمة المالية ملهاش مجال للتنازل، لكني أعمل في كيان كبير، مكنش ينفع اتكلم قبل بيان الأهلي، لأني لو طلعت قبل بيان الأهلي يبقى أنا مش بحترم النادي، لكن طلعت بعد البيان”.
وأوضح ” أمير” :” عندنا في النادي في ثوابت معينة طالما النادي تحرك بسرعة جدًا تاني يوم تحقيق ويوم السبت كان القرار، الكابتن محمد رمضان قال إن كان في مواجهة هتحصل، وانا كنت عايز المواجهة دي، لكن الشؤون القانونية رأت إن كل واحد يتم التحقيق معه منفردًا والحمد لله ربنا أظهر الحق”.
وعن الموقف القانوني؟، رد ” أمير” : ” موقف النادي أعلنه في بيان واضح، لكن موقفي بصفتي العملية راض عن قرار النادي، أما موقفي الشخصي فأنا وكلت المستشار أشرف عبد العزيز بأن يتم اتخاذ كافة الإجراءات القانونية وسأقدم بلاغ للنائب العام”.
واختتم ” أمير” : “كل حد إدعى عليا كلام في الموضوع ده بدون أي مستند في بلاغ للنائب العام، أي حد تطوال وقال كلام بدون إثبات ومس سمعتي وكرامتي وذمتي المالية بحرف سيتم اتخاذ كل الإجراءات القانونية ضده”.
شاهد:
