أكد أحمد دياب رئيس رابطة الأندية المصرية المحترفة ، ان أزمات الموسم الماضي في الدوري المصري ، كانت بسبب التحكيم وقرارات لجنة الانضباط وهم تابعين للاتحاد وليس للرابطة.
وقال احمد دياب في تصريحات لبرنامج ليالي السوبر المذاع عبر شاشة قناة اون تايم سبورتس الفضائية تقديم الإعلامي يعقوب السعدي : الرابطة مش احمد دياب ومش صحيح اننا بنجتمع من خلال واتساب ، وفيه محاضر إجتماع ، عندنا بحد اقصي 30 يوم اجتماع ، والمحاضر موجودة ، واخر اجتماع كان قبل القرعة بيوم.
وأكد : احنا بنحاول نصلح ونعدل لكن بخطوات مش سريعة ، الرابطة بتمثل الأندية هي مش في صراع معاهم ، محصلش إن فيه تأجيلات حصلت علشان فيه ضغط من الأندية.
وأشار : التأجيلات كانت بتتم وفقا للائحة ، الإتحاد الأفريقي أخد الأهلي شهر ونص تقريبا معاه للسوبر الليج ، وقتها ملعبش في الدوري ، من أكبر مشاكل الموسم الماضي كانت الحكام ، ولجنة الحكام كانت في اتحاد الكرة ، وكذلك لجنة الإنضباط بمشاكلها وكانت موجوده برده في الإتحاد.
وأتم : الاتحاد المصري في الموسم الماضي أصدر رخص لل18 نادي اللى بيلعبوا في دوري نايل.
شاهد الفيديو
