احمد سليمان يكشف عن فضيحة لمسئولي الكرة المصرية بعد تتويج الزمالك بالسوبر الأفريقي على حساب الأهلي !! – فيديو

فجر احمد سليمان عضو مجلس إدارة نادي الزمالك ، مفاجأة من العيار الثقيل ، بعدما ذكر واقعة حدثت في 94 عند تتويج الأبيض بلقب السوبر الأفريقي على حساب الأهلي.

وقال احمد سليمان في تصريحات لبرنامج اللعيب عبر شاشة قناة ام بي سي مصر 1 الفضائية تقديم الإعلامي مهيب عبدالهادي : سيناريو السوبر الأفريقي نفس اللى حصل سنة 94 واتقال برده اننا هنخسر وقتها وكسبنا آلأتنين.

وأشار : الدنيا مقلوبة من وقت الزمالك ما كسب السوبر الأفريقي.

وأضاف : وبرده سنة 94 ، الدنيا كلها وقفت علشان الأهلي خسر، واتقال وقتها في اجتماع كان حاضره الوزير ومجلس الأهلي واتحاد الكرة .

وزاد : في الاجتماع بعد ما فزنا اتفاجئنا ، لقيناهم بيقولوا بما انكم فريقين من مصر  فكل لاعب في الزمالك ياخد 15 الف مكافأة الفوز بالسوبر الأفريقي ، وبرده لعيبة الأهلي تاخد نفس المكافأة علشان محدش يزعل رغم إنهم خسروا

وأتم : وقتها اتصدمنا وانسحبنا من الاجتماع ، أنت إزاي عاوز تدي مكافأة للخسران زيها زي الكسبان.

شاهد الفيديو