الزمالك أكبر قلعة رياضية في مصر !! تعليق ناري من إبراهيم عبدالجواد على الجدل الثائر بين مسئولين وجمهور قطبي الكرة المصرية !! – فيديو

أكد الإعلامي إبراهيم عبد الجواد ، ان من حق جمهور الزمالك ومسؤوليه ، ان يعظموا من قيمة ناديهم .

وقال ابراهيم عبدالجواد في تصريحات لبرنامج ملعب اون تايم المذاع عبر شاشة قناة اون تايم سبورتس الفضائية : أول مرة اتقال فيها الزمالك أكبر قلعة رياضية في مصر ، كان معايا وقت ما كان موجود في اللجنة المعينة.

وأشار : معرفش ليه الدنيا اتقلبت حاليا.

وأكد : كل منتمي من حقه يشوف ناديه أحسن حاجه في الدنيا كلها ، سواء بقي كان مسئول أو موظف أو مدرب او لاعب أو مشجع.

وزاد : لان الرابط بينه وبين النادي هي العاطفة والحب.

وتابع : الموضوع مش ورقة وقلم وقولي بقي خدت اللقب علشان دكتوراه أو حققت ايه ، الموضوع عاطفه.

وأتم : الأهلاوية بيشوفوا ناديهم أعظم نادي في الكون ، و الزملكاوية شايفين ناديهم أكبر قلعة رياضية في مصر.

شاهد الفيديو