كشف الإعلامي سيف زاهر ، عن موعد إعلان قرار من مجلس إدارة النادي الأهلي برئاسة محمود الخطيب ، بعد تصريحات احمد قندوسي لاعب الأحمر المعار الى سيراميكا كليوباترا .
وقال سيف زاهر مقدم برنامج ملعب اون تايم المذاع عبر شاشة قناة اون تايم سبورتس الفضائية : اللى معندوش فكره عن الأهلي نشرحله ، الأهلي ميهموش غير تحقيق العدالة.
وأشار : الأهلي لا هاجم القندوسي ولا خد قرارات ضد حد ، عمل تحقيق موسع مع كل الأطراف ، وحط تحت كل الأطراف 100 خط ، لان مش معني إن القندوسي مش عندنا نحقق مع اللى عندنا ونسيبه.
وأكد : بكرا كل التحقيقات على مكتب كابتن محمود الخطيب ، كله النهارده خضع للأقوال ، نتيجة التحقيقات بتخلص 11 ونص بالليل ، ومحدش متوقع النتيجة.
وأشار : اللى هيطلع بكرا النتيجة عادلة ومحدش يعرفها.
وأتم : كابتن محمد رمضان اتكلم مع كل الأطراف.
وكان القندوسي قد قال في تصريحات تليفزيونية: “موضوع زين الدين بلعيد فشل بسبب الوكلاء، ولا فلوس ولا حاجة، كل اللي بيطلع في الإعلام كذب، محدش عنده الحق، نا أقولك الصح، هو باظ عشان الوكلاء، زين الدين بلعيد كان 70% من الأهلي، هو هييجي بوكيله، لكن الناس عشان يدخل في الأهلي لازم يدخل مع فلان وكيل لاعبين”.
