بعد شماتة إمام عاشور.. رسالة نارية من نيرة الأحمر بشأن ثلاثي الزمالك المحتجز بالإمارات – فيديو
وجهت نيرة الأحمر، عضو مجلس إدارة الزمالك، رسالة نارية للشامتين في ثلاثي الفارس الأبيض المحتجز بالإمارات، عبد الواحد السيد مدير الكرة، ونبيل دونجا، ومصطفى شلبي، بعد تصريحات إمام عاشور لاعب الأهلي والتي اظهر فيها الشماتة.
وكان الخائن إمام عاشور قد قال:” في لعيب هو في ازمة دلوقتي طلع قال انه مايعرفنيش، وده انت كنت بتيجي تاخدني زمان من البيت ألعب معاك في دورات رمضان عشان أكسبك، فعيب انك تطلع تقول حاجة زي دي، وطبعا الواحد زعلان ليك في سجنك”.
وقالت الاحمر في تصريحات تليفزيونية ببرنامج “ملوك الصالات” عبر قناة “الزمالك”:” رسالة بسيطة للاعب قرر يطلع بتصريح غير موفق لاعب من النادي المنافس، عاوزه اقوله كلمه واحده تدور الدوائر عيب ميصحش تصريحك”.
وتابعت:” لكل وقت حديثه لن نتطرق لهده الافعال الصبيانيه، كلمه واحده بتلخص ماحدث تدور الدوائر يوم لك يوم عليك، واللي ميقفش في ازمه ويفهم احترام الازمه والتزام الصمت ومتعملش ده، والاصول تقوله خلي بالك ربنا مابيسبش، بتدور الدوائر، متعرفش بكره انت هتبقى في ازمه شكلها ايه”.
وأضافت الأحمر: “ربنا يهديك وتعرف يعني ايه الازمة والصمت في الازمات، وتقل خيرا اولتصمت، انا مش عارفه الدنيا اتقل خيرها ولا ايه؟، حصل ليه بقينا كده، خساره”.
وواصلت:” المنافسه بينا دي على رياضه مفهوم الرياضة مكسب وخساره، لما نوصل للشماته لبعض في الازمات يبقى عندنا مشكله كبيرة، ومحتاجين نقف مع نفسنا، لما اشمت في زميلي واقول كلام غير مسئول وصبياني، يبقى في مشكله في علاقه قويه بين البلدين وكلنا عرب”.
وشددت: “أحنا مصريين مش عارفه مالنا ربنا يهدي لكل حديث وقته، الوقت ده مسانده ثلاثي الزمالك هناك من اخطئ وتسبب في خطأ، ولكن في الاخر بنتمنى فك الكرب احنا في شده والازمه تنتهي”.
وأختتمت:” والنهارده عندي بكره عندك، ازاي تصرح تصريحات زي دي، ده زميل ملعب ووصلنا للشماته في الازمات، ربنا يهدي وزي ماقلت تدور الدوائر، متعرفش بكره في عندك ورغم كلامك متتمناش يحصل لك حاجه زي الشماته عيب”.
شاهد:
