وجه محمد طارق لاعب الزمالك، رسالة حزينه بعد فسخ تعاقده مع النادي وغلق باب القيد وفشله في الإنتقال لأي فريق آخر.
وكتب طارق، عبر خاصية” الاستوري”على حسابه الشخصي بموقع التواصل الإجتماعي “إنستجرام”:” بعد اغلاق القيد عاوز اقول كلمتين اولا بلاش تتخدعو في الناس والواحد مکنش محتاج حاجه من حد غير شويه احترام واحترافيه في التعامل لكن ده محصلش وانا مبحبش اتكلم كثير بس النهارده انا شبه هقعد شهرين بدون نادي لكن تعالو نعكسها كده لو انا لا عيب وسبت النادي بتاعي وهو محتاجتي اوي وروحت نادي تاني علشان فلوس او غير و الناس والجمهور بيقلبو الدنيا “.
وتابع:” اما لما النادي الي اتربيت فيه ولعبت وكسبت معاه بطولات وجزء ولو صغير من النادي وابن النادي واكون راجع من اولمبياد وارجع علشان انزل التمرين واكلم المسؤولين وشهرين محدش يرد ولا يتواصل معاك”.
وشدد طارق: “علي فكره معنديش مانع تفسخ معايا عادي جدا هي ديه الكوره وده جزء من الاحتراف لاكن انتو لا ترتقو انكو تكونو مسئولين في نادي كبير ولا تعرفو يعني ايه، احترام للاعب الصغير قبل الكبير عكس اي نادي تاني”.
وأختتم:” لكن الجمهور واللاعبين احب اشكرهم علي كل يوم قضيتو داخل النادي وبحبكو جدا وشكرا على كل الحلو الي عشتو والبطولات الي خدناها سوا، واسف لو قصرت في يوم من الايام “.
