كشف أحمد مجاهد، رئيس اتحاد الكرة السابق، عن علاقته بالزمالك والأهلي، وسر رحيل كارلوس كيروش، عن تدريب منتخب مصر.
وقال مجاهد في تصريحات تليفزيوينة ببرنامج “الكورة مع فايق”، عبر قناة “mbc مصر2″:انت متهم انك ضد الاهلي؟، انت اتولدت في الاهلي وباروح النادي من سن 9 او 10 سنين
مينفعش وانت مسئول في مكان ويكون في قرار ضد نادي بتشجعه ومتاخدوش انا بتتعامل باللوائح”
وأضاف: “مسألة انك ضد الزمالك او الاهلي مش منطقي عندهم ملايين بتشجعهم، ولاأحد يقدر يكون ضد هذا اوذاك، انت بتحكم قوانين ومصلحه عامه”.
وردا على سؤال، ايهم اقرب لك محمود الخطيب ولامرتضى منصور؟ أجاب مجاهد:” وقت وجودي تعاملت مع 4 مجالس مجلس المستشار مرتضى، ولجنة اللواء عماد، ولجنة كابتن حسين لبيب وعودة مجلس مرتضى، وعلاقتي متوازنه معهم وكابتن الخطيب موجود باستمرار واكن له كل تقدير وحب واعظم من لمس الكره في مصر”.
وشدد: “احترم كابتن حسين لبيب، عمري ماكان عندي ازمه مع الزمالك وقت وجود المستشار مرتضى منصور”.
وأردف مجاهد:” أنا بحب وبحترم حسام البدري ومقدّر زعله لما مشي من تدريب المنتخب لكن أنا كنت شايف إن الكرة المصرية محتاجة نقلة وكنت شايف إن كيروش كان بيحقق 100% من اللي أنا وضعته والبدري لما مشي مجاش حد أقل منه”.
وواصل:” كيروش درّب ريال مدريد ومانشستر يونايتد ومشوفتش حد في عقليته، والاتحاد الحالي مشاه علشان أنا اللي كنت جايبه، لأنهم كانوا عايزين يغيّروا أي حاجة أنا حاططها، وبعتلي رسالة وقت الهجوم عليه قالي أنا مشيت من تدريب منتخب مصر عشان انت مشيت من الاتحاد”.
وأكمل:” أنا أول من أرسلت خطابات للأندية من أجل تكوين رابطة تدير المسابقات ولو كنت موجود في اتحاد الكرة كنت سأقوم بتحديد اختصاصات الرابطة، ورابطة الأندية ليس من حقها أن تغير من نظام الدوري لكن تدير المسابقة فقط”.
وأختتم:” لا يمكن أن تكون العلاقة بين اتحاد الكرة ورابطة الأندية المصرية تنافسية”.
شاهذ:
