تعليق غير متوقع من خالد الغندور على فوز الأهلي أمام العين في كأس الإنتركونتيننتال – فيديو

علق الإعلامي خالد الغندور،على فوز فريق الأهلي أمام العين الإماراتي بثلاثية نظيفة في بطولة كأس الانتر كونتيننتال.

وقال الغندور،خلال تصريحات تليفزيونية ببرنامج “ستاد المحور”:”مع كل الاحترام والحب للأندية العربية الشقيقة ولجهودهم في تطوير كرة القدم عن طريق إنهم بيشتروا أشهر المحترفين وأغلى المدربين فهل ده فعليا وعلى الأرض الواقع ويخلي زعامة الكورة العربية للهلال السعودي أو للنصر السعودي أو اتحاد جدةأو العين”.

وتابع:”بكرر كل الاحترام للأندية العربية الشقيقة لكن زي ما قال شاعرنا المصري الراحل أمل دنقل:هي أشياءٌ .. لا تُشترَى..التاريخ مش محترف والانتماء مش محترف”.

واضاف الغندور:”الزمالك والأهلي طعم تاني وروح تانية شعبية تانية، وحالة تانية غير قابلة للاستنساخ، وهنروح بعيد ليه الأهلي، كبير أفريقيا والعرب هزم الهلال السعودي بترسانة محترفينه في كاس العالم للأندية 4- صفر”.

واردف:”:”وفاز على اتحاد جدة بقيادة بنزيمة في السعودية 3-1 والزمالك كبير أفريقيا والعرب فاز على الهلال السعودي في السعودية 2-1وفاز بفريق احتياطي وناشئين على الأهلي السعودية 3/صفر، والنصر السعودي بقيادة الأسطورة كريستيانو رونالدو اتعادل مع الزمالك 1-1 بطلوع الروح في آخر خمس دقايق ده معناه إيه”.

وشدد الغندور:”معناه إن التاريخ والانتماء والجمهور.. تأثيرهم أعمق بكتير في الملعب من أي قوى مالية عارفين أنا بفكر في إيه فيه حاجات فعلا مش ممكن الإمكانات المادية تعوضهاهي حاجات واحدة مش بتتكرر”.

وواصل: “الزمالك والأهلي في الكورة العربية والأفريقية زيهم زي أم كلثوم وسيد درويش وعبد الوهاب مهما تحاول وتخطط وتصرف مش ممكن تنتج أم كلثوم تانية”.

وأختتم:”بنحب أشقاءنا بنحترهم جهودهم في التطوير والتنظيم والمنشآت العظيمة لكن الروح، الروح حاجة تانية ودايما هيفضل الزمالك والأهلي حاجة تانية قصدي حاجة أولى نسخ أصلية مش تقليد”.
شاهد: