تعليق مثير من عمرو أديب على خسارة الزمالك السوبر.. ويوجه رسالة شديدة اللهجة للأهلي- فيديو
علق الإعلامي عمرو أديب، على خسارة الزمالك السوبرالمصري أمام الأهلي، ووجه رسالة تحذير شديدة اللهجة للنادي الأحمر.
وقال أديب، خلال تصربحات تليفزيونية ببرنامج “الحكاية”، عبر قناة “mbc مصر”:” تحس الأهلاوية مش فرحانين قوي بالسوبر، فرحة بهتانة معندهمش احساس انهم عملوا انجاز، برده الزملكاوي تحسه مش زعلان قوي “.
وتابع:” في شئ مهم حصل وبقى باين، الزمالك لم يعد النادي الغلبان ولا نادي الازمات ولم يعد نادي المصايب والكوارث، تشعر ان الاهلي بيلعب اخر مباراتين وهو عنده مشكله حقيقيه امام الزمالك”.
وشدد أديب:” الزمالك اصبح نادي واقف على رجله واسماء اللاعيبه ومواهب لوتقارنها باي نادي تعرف الزمالك اقوى في مصر، لم يعد الزمالك المسكين الغلبان الحصاله مفيش الكلام ده، لاخر لحظه الاهلي عنده صعوبة في فك لوغاريتم الزمالك وانه بيقسم على حد ويرقصه جامد لايجيبه يمين اوشمال هذا الامر انتهى بتاتا،اللي حصل انت تكسب مره واحنا مره، بلاش نكلم فالجول اللي اتلغى اللاعب اللي كان المفروض يطرد”.
وواصل:” بقول للاهلي احذروا، العظمه بتاعت الاهلي على عينا وراسنا لكن خلاص، هناك منافس عاد لمكانه الطبيعي، والاهلي ضيع فرص واحنا جبنا جول ومتحاسبش، الزمالك كان قويا ولكن الاهم هي صوره عظيمه للكره المصريه ومباراة تحبس الانفاس وعشرات الركلات لتصل لنتيجه وصوره مشرفه للكره المصريه”.
وأشار أديب: يجب ان اقول واكرر عواد احسن حارس مرمى في مصر واحسن من الشناوي وشوبير وصبحي وناس كتير هو رقم 1″.
وأختتم: “هذا الزمالك عاد، احذروا الزمالك يااهلاويه لم يعد النادي المهزوز والمدمر، ولم يعد النادي الذي لايدفع مستحقات لا عبيه، هو نادي اخر قادر على الاستمرار والصمود ومبروك للاهلي، والزمالك مدرسه لعب وفن وهندسه”.
شاهد:
عمرو أديب يوجه رسالة شديدة اللهجة للأهلي: احذروا.. الزمالك رجع لمكانه الطبيعي
شاهدوا #الحكاية على #MBCMASR من الجمعة إلى الاثنين 10م بتوقيت القاهرة من هنا https://t.co/HsI50xaCfe pic.twitter.com/SLHCHKe0Ng— الحكاية (@Elhekayashow) October 25, 2024
