علق الإعلامي خالد الغندور، على قرار حسام حسن المدير الفني لمنتخب مصر، بإستبعاد محمد صلاح نجم الفراعنة وليفربول، من مباراة موريتانيا القادمة
وكان الجهاز الفني لمنتخب مصر الأول لكرة القدم، بقيادة حسام حسن، قد عقد جلسة مع محمد صلاح قائد الفراعنة، تم خلالها الاتفاق على إراحة اللاعب من مباراة موريتانيا المقبلة بسبب ملعب النجيل الصناعي.
وقال الغندور، خلال تصريحات تليفريونية ببرنامج “ستاد المحور”: “كابتن حسام استبعد صلاح من السفر لموريتانيا، هو صلاح على رأسه ريشه وركبته متتصابش ميلعبش علي ملعب ترتان، واللاعبيه التانيه لا عادي”.
وتابع:” اللي انت عملته غلط ياكابتن حسام، وانت نفسك قبل كده قلت لو راح واتعالج في ليفربول ميرجعش تاني، بتغير كلامك ليه ياكابتن حسام وبتوصل للاعبين ان صلاح مهم وهم لا، انت عندك تريزيجيه كان عامل صليبي ومصطفى فتحي اتعالج من اصابة في ركبته”.
وأضاف الغندور: “معرفش صح ولا لا، انه يستبعد صلاح، وهل ممكن ميكونش عاوزه يلعب الماتش الجاي لان صلاح كان وحش في مباراة أمس أمام موريتانيا، رغم انه احرز هدف”.
ويلتقي منتخب مصر مع موريتانيا، يوم الثلاثاء 15 أكتوبر الجاري، ضمن منافسات الجولة الرابعة من التصفيات المؤهلة لكأس الأمم الأفريقية 2025.
