جدو يرد بقوة على عضو إدارة الزمالك: “بتتكلموا عن رمضان صبحي إزاي.. إنتوا إللي عليكم علامات استفهام”!! صورة
شهدت الساحة الكروية المصرية تصعيدًا في حدة المنافسة بين ناديي الزمالك وبيراميدز، بعدما شن عضو مجلس إدارة الزمالك، أحمد سليمان، هجوماً لاذعاً على إدارة نادي بيراميدز، متهماً إياها بالتعنت في بيع اللاعبين إلى القلعة البيضاء.
لم يتأخر رد المدرب العام لفريق بيراميدز، محمد ناجي جدو، الذي دافع عن ناديه بقوة، ووجه سهام النقد إلى الزمالك. ففي سلسلة من التغريدات عبر حسابه الشخصي على موقع التواصل الاجتماعي “إكس”، رد جدو على اتهامات سليمان، مستعرضاً سجل انتقالات اللاعبين بين الناديين.
كتب جدو عبر حسابه الشخصي على موقع “إكس”: “الكابتن أحمد سليمان طلع امبارح وهاجم بيراميدز وأندية الشركات وقال علامات استفهام على بيراميدز، عشان مش بيدوهم لاعيبة وإنهم بيشتروا لاعيبة وأنهم بيصرفوا كتير، وبيدخلهم فلوس قليلة ومش بيسيبوا لاعيبة تحترف”.
وأضاف: “أولًا بيراميدز أداهم عمر جابر ودونجا وعبدالله السعيد وهما دلوقتي أحسن لاعيبة في الزمالك، وهل لو بيراميدز كلم الزمالك إنهم عايزين زيزو مثلا الزمالك هيوافق؟، ومسبيبتش زيزو يحترف ليه؟”.
وتابع: “ثانيًا طبيعي إن بيراميدز يشتري لاعيبه ويقوي القائمة زي كل الفرق، ثالثا ممكن تقولنا يا كابتن أحمد، الزمالك بيصرف كام؟ وبيدخله كام؟، وهل بيكسبوا فلوس من الكرة أكيد لأ”.
واستكمل: “الزمالك دفع أكتر من مليار جنيه غرامات بس، فممكن تقولنا الكرة في الزمالك بتكسب كام، رابعًا من أول المجلس نجح في الانتخابات وكل لقاء تليفزيوني من أول الرئيس لأصغر عضو بيتكلم عن رمضان، وعايزين رمضان صبحي مع إنه متعاقد مع النادي لمده 3 سنوات”.
وأتم: “دي حاجة عمري ما شوفتها في أي حتة في العالم، لا في مصر ولا بره مصر إن مسئولين نادي بيتكلموا عن لاعب في نادي تاني، وعقده سارٍ لمدة 3 سنوات، بصراحة إنتوا اللي عليكم علامات استفهام”.
