حسام حسن يخرج عن صمته: نفسنا نخلص من الوجوه القديمة في الرياضة.. مترجعوش إللي فشلوا في 2019!
شدد حسام حسن المدير الفني لمنتخب مصر، على ضرورة التخلص من الوجوه القديمة في اتحاد الكرة، مُشددًا على أن الجميع يركز على مشاكل المنتخب عكس ما يحدث مع الأندية.
وقال حسام حسن في تصريحات خلال المؤتمر الصحفي: “كل اللاعيبة اللي موجودة قدامي متاحة، حسام عبدالمجيد وعمر فايد عناصر انا مهتم بيها، كل الماتشات الجاية خارج ملعبي المهم اني مخسرش فيها، دي سياستي وماحدش يقولي أنت ليه ماكسبتش بره ملعبك”.
ولفت: “انتوا بتستهينوا بأثيوبيا اللي معانا في تصفيات كأس العالم؟!، كاب فيردي وبوركينا وموريتانيا منتخبات قوية جدا، مش معنى اننى بنكسب ان هما وحشين، انت اللي خليتهم وحشين، سام وابراهيم مبيزهقوش”.
واستمر: “نفسنا نخلص من الوجوه القديمة اللي كانت ماسكه مناصب هنا في مصر في الرياضة، مترجعوش اللي فشلوا في بطولة افريقيا ٢٠١٩ هنا في مصر”.
وتساءل: “ايه المراكز اللي عندي فيها مشاكل؟ انا مدرب منتخب مصر وماينفعش مدرب المنتخب يكون عنده عجز في مكان وهو ماسك المنتخب، ولكن بصوا على مشاكل الأهلي والزمالك فين؟ جابوا باكات يمين وشمال، وشوفوا الأهلي وظف كريم فؤاد في مركز الظهير الأيسر”.
وشدد: “تعزيز القوة الهجومية والدفاعية للمنتخب؟ لاني انا مقتنع باللاعبين وهما مقتنعين بيا، ومع الدوافع برضو ولكن الروح من غير تنظيم ماتنفعش، والشغل الفني من غير روح ماينفعش، تريزيجيه مثلا في اول معسكر كان مصر انه يكون موجود رغم الإصابة”.
واختتم: “ترتيب المنتخبات مهم جدا، المغرب تطوروا ومن حقهم يكونوا الأول افريقيا، ولما مش هنبقى قبل المغرب هنبقى بعدهم على طول”.
