“حصلت مؤامرة”.. مجدي عبد الغني يكشف كواليس مثيرة عن واقعة اتهامه بسرقة ملابس المنتخب – فيديو
رد الكابتن مجدي عبد الغني عضو الاتحاد المصري السابق لكرة القدم، على واقعة اتهامه بسرقة ملابس منتخب مصر قبل المشاركة في بطولة كأس العالم 2018 في روسيا.
وبسؤاله أنت متهم بسرقة ملابس المنتخب وده كان سبب استبعادك من رئاسة المنتخب في كأس العالم؟، رد ” مجدي” :” هاني أبو ريدة برأني أمام الإعلاميين”.
أشار :” القصة هي عندما كنا نتخذ قرارًا بمن سيتولى رئاسة بعثة المنتخب في كأس العالم، مفيش حد على الترابيزة يجرؤ في أن يقول أنا رئيس البعثة لأن محدش فيهم لعب كأس العالم، فأعطوني القرار بأن أكون المسؤول عن البعثة”.
وأضاف ” عبد الغني” خلال استضافته في برنامج ” الكورة مع فايق” على قناة ” إم بي سي مصر 2 ” :” حصلت مؤامرة، كان يتبقى يومين على سفر المنتخب، طلبت الملابس”.
وتابع :” شوقي غريب مدرب المنتخب الأولمبي كان قد وضع الملابس في غرفة وأغلق عليها، والملابس دي كانت بقيمة 15 مليون جنيه، وكلها اتفرتكت، ومحدش اصلا كان يعرف حاجة عن الملابس ولا قيمتها”.
وأوضح :” جابوا عصام عبد الفتاح رئيس بعثة، وسافر أبو الوفا وكرم كردي وحازم إمام وكل المجلس سافر، رغم إن ورقيًا كنت أنا رئيس البعثة، ومرحتش معاهم”.
أكمل ” مجدي” : “أنا دخلت المخزن إللي كان قافله شوقي غريب وأخذت ملابسي، وما تردد إني جبت عربية ربع نقل وحملت ملابس مش صحيح، يعني مفيش صورة واحدة تثبت ذلك”.
أستطرد :” وانا مسافر في المطار لاقيت واحد لابس لبس المنتخب، سألته انت جبت اللبس ده منين قالي اشتريته من محل، و أنا معنديش حاجة تانية أقولها، خليهم يحققوا مع الناس إللي كانت موجودة وقتها وانا من ضمنهم، احنا مكنش عندنا مخازن اصلا، انا أخذت الشنطة بس”.
وأختتم ” مجدي” :” انا اتفاجئت إن أحمد مجاهد قال لمصر كلها إن مجدي عبد الغني اتشال من رئاسة البعثة وإنه سرق ملابس المنتخب، و قلت لشوقي غريب هي المشكلة كانت في الشنطة إللي أخدتها، قال لي أه وهاني أبو ريدة مصمم إنها ترجع، قلت له هروح بعد الفطار عشان كنا في رمضان، قال لا عايز الشنطة دلوقتي”.
شاهد:
