وجه الإعلامي خالد الغندور، رسالة هامة لجماهير الزمالك، بعد الازمات التي يتعرض لها النادي، وقارن بين البرتغالي جوزيه جوميز المدير الفني للأبيض، ومارسيل كولر مدرب الأهلي.
وقال الغندور، خلال تصريحات تليفزيونية ببرنامج “ستاد المحور”:” رساله لجمهور الزمالك بعد حبس اللاعبين بالامارات، وقضيه فتوح وغلق القيد وما يحدث من اخطاء الحكام، ومعظم الامور التقديريه ضد الزمالك تدخل الشحات مع دونجا في السوبر الافريقي وعدم طرده، وكرة اكرم توفيق بالسوبر المحلي، كل الحالات الجدليه كلها لاما على الزمالك لاما متتحسبش لصالح الزمالك مثل هدف الجزيري”.
وتابع: “خلال السنين اللي فاتت الاهلي كان راكب كل ماتشات القمة فنيا ودوافع ونفسيه، وجمهور الزمالك كان بيسأل ليه لاعبي الزمالك كده، مثل ماكان لاعبي الاهلي بيكونوا مرعوبين من صن داونز”.
وشدد الغندور:” بقول للجمهور الزمالك دلوقتي بيخوف،، ليه الزمالك جامد؟ ويتقال رغم كل الظروف انه يخوف،علشان مازال في المنافسة وجماهيره، جوميز وكولر لايوجد مقارنه بينهم، كولر ادارة مستقزه وفلوس بالهبل ومليارات، الاهلي عنده رعايه مليار بيجي للزمالك 100 مليون بتكلم فرق الفلوس850 مليون ولكن الزمالك مطالب ينافس الاهلي”.
واضاف:” الأهلي اغنى نادي في افريقيا وفي مصر ورقم 2 بيراميدز بمصر و3 البنك الاهلي والرابع زد، وسيراميكا 5 والزمالك في المركز السادس ماليا بمصر”.
وواصل الغندور:” الزمالك كان اقل الفرق ماليا في السوبر المصري، فانت جامد ليه علشان مفيش معك فلوس ومطالب تكون بطل وتنافس الاهلي، ومعندكش اعلام قوي ومطالب تقف قدام الاهلي”.
واستطرد: “الزمالك مطالب ينافس الاهلي، واالزمالك في اخر 4 سنين مرتين كان بطل الدوري، والاهلي مره مركز 3 الدوري والزمالك بعدها يفوز بالكونفدرالية والسوبر الافريقي على حساب الاهلي”.
وأشار الغندور:” الزمالك فريق يخوف لانه وسط كل الضلمة بينوز وبيبان وبيكسب اللي عنده كل حاجه وهو معندوش ربع اللي عند الاهلي، وده ليه لان الجمهور قوه، الزمالك مع جوميز عاد ويحصل على راتب 50 الف دولار، في حين كولر 200 الف دولار وميجيش ربع راتب كولر”.
وأختتم: “الزمالك راجع بيخوف كل الانديه ورغم المشاكل والازمات والخناقات وناس بتزملك، وتحجز على فلوس وقفل قيد وناس تتحبس وقصص في النهاية الزمالك واقف على رجله، وينافس فرق عندها كل الاستقرار، اعتقد الزمالك فريق جامد بتواجدجمهوره وقدرته على التحمل ووصوله لمنصات التتويج”.
شاهد:
