سمير عثمان يفتح النار على جدو بعد هجومه على حكم مباراة الزمالك وبيراميدز: “إنت مش عارف حاجة في قانون الكرة”!! فيديو
أكد سمير محمود عثمان، الخبير التحكيمى، أن إلغاء هدف فريق بيراميدز عن طريق يوسف اوباما بمرمى الزمالك فى الدقائق الأخيرة من عمر اللقاء، قرار صحيح وتسليل واضح وفقا للقانون.
وأوضح سمير عثمان في تصريحات عبر إذاعة “أون سبورت إف إم”: “هدف بيراميدز بتاع يوسف أوباما اوفسايد ١٠٠٪ وقرار الحكم صحيح بالغاؤه، محتاجين نسأل كابتن محمد ناجي جدو متى يحتسب التسلل؟ لا قانوناً بقى مش قصه حد متقدم ولا لأ، في مادة في القانون اسمها التسلل ياريت يقولنا بتقول ايه”.
وتابع: “أصل اي حد بيتفرج على كورة ممكن يقول رأيه في اي لعبه دي تسلل ولا فاول ولا طرد وهو مش عارف حاجه في قانون الكرة أصلا”.
وأضاف: “الواحد بقى بيشوف حاجات عجيبه في البرامج كل مدرب بقى عامل نفسه حكم ولو جيت سألته في قوانين اللعبه مش هتلاقيه عارف حاجه”.
وأشار: “محمود عاشور قراره كان عشرة على عشرة وهي لعبة سهله ده في اثنين كانوا في موضع أوفسايد، احكم امبارح احتسب ركلة جزاء لنادي بيراميدز اللي طالع مسؤولين من عندهم يقولوا يارب يعرف ينام.. عيب الكلام ده”.
واستمر: “محمود عاشور هو اللي استدعى الحكم يحسبلك ضربه جزاء اصلا .. وقرار إلغاء هدف بيراميدز صحيح ١٠٠٪”.
واختتم: “هل ينفع حكم يهاجم مدرب أو لاعب؟ طيب ليه بقى في مدربين تطلع تهاجم الحكام بالشكل ده .. عيب جدا اللي بيحصل ده”.
ومن المقرر أن يلتقي الزمالك والأهلي يوم الخميس المُقبل في تمام الثامنة مساءً بتوقيت القاهرة، للمنافسة على بطل السوبر.
