كشف الإعلامي إبراهيم عبد الجواد، تفاصيل مكالمة سامي قمصان المدرب العام للأهلي مع أحم قندوسي لاعب الأحمر والمعار لسيراميكا كليوباترا، بعد تصريحاته عن تحكم الوكلاء في حسم صفقات الأهلي.
وقال عبدالجواد، خلال نصريحات تليفزيونية ببرنامج “ملعب أون”، عبر قناة “أون تايم سبورتس1″:” بعد لقاء القندوسي وكلامه الخطير توالت ردود الافعال من كل الجهات والجوانب”.
واضاف:” السبب اللي خلاني بشكل شخصي مغوطش مع القندوسي في تفاصيل اللي بيقوله، لانه موضوع خطير وذمم ناس مش معنا، هو فاجئنا بالكلام وعلشان محدش كان موجود منهم مكنش يعرف اغوط في ذمم واتهامات لناس بدون دليل ولا انا جهات تحقيق”.
وتابع عبد الجواد: “مبدئنا هنا ان كل واحد له حرية رأيه ويقول اللي عاوزه ومسئول عنه، وقال روايته من القصه بتاعت فشل مفاوضات الاهلي مع بلعيد”.
وواصل:”حسنا فعل الاهلي بتحويل تصريحات قندوسي للتحقيق بدون اي محاذير او سقف، وتوصل لنهايته لان احنا كأهلي نادي كبير وعظيم وعندنا شفافيه نقول كل حاجه ومعندناش حاجه نخبيها”.
وأشار عبد الجواد:” سامي قمصان كلم قندوسي وقالوا له عاوزينك في جلسة استماع علشان فتحنا تحقيق لماقولته وتطلعنا على كل التفاصيل اللي عندك وصفقتك، وقالهم انا تحت امركم ولازم استأذن سيراميكا لانهم يمتلكوا عقدي الان، وكان الرد احنا متتظرينك وخد الاذن”.
وأردف:” بما تفرضه المهنيه تواصلنا مع الاهلي وقالوا احنا مش هنتكلم لحين انتهاء التحقيقات وبعدها نصدر بيان رسمي لان ده واجبنا وحق الجمهور”.
وأتم:” تواصلنا مع وكيل زين الدين بلعيد وقال بشكركم على تحري الدقه ولكن بعتذر عن التعليق، لان اتفاقي مع بلعيد واسرته متكلمش على مفاوضاته مع الاهلي في الاعلام”.
شاهد:
