” عنده إحساس بالكبر و العنتظة”.. إبراهيم عبد الجواد يفتح النار على نجم الزمالك بسبب أزمة الإمارات – فيديو
كشف الإعلامي إبراهيم عبد الجواد كواليس خاصة عن أزمة ثلاثي نادي الزمالك بعد مواجهة بيراميد في نصف نهائي بطولة السوبر المصري والتي تسببت في أزمة ثلاثي الفريق في دولة الإمارات العربية المتحدة.
وقال ” إبراهيم” خلال تقديمه حلقة جديدة من برنامج ” ملعب أون” على قناة ” أون تايم سبورتس” :” انا كنت قاعد في الاستاد في مباراة الزمالك وبيراميدز في السوبر، في استديو أون وفجأة سمعنا دوشة ولقينا خناقة وانا مشفتش الكابتن عبد الواحد أو دونجا في بداية المشكلة”
أشار :” اللي شفته رؤيا العين إن لقيت مصطفى شلبي عمل اسبرنت معملش في المباراة وراح ضرب الراجل .. واللي شفته ان اللي عملة مصطفى ده بحث عن لقطة لا أكتر ولا غير لأنه كان بعيد عن الموضوع في البداية وملوش علاقة بالقصة دي”.
وأضاف ” عبد الجواد” خلال تقديمه حلقة جديدة من برنامج ” ملعب أون” على قناة ” أون تايم سبو تس” : “تبض على مصطفى شلبي وهو طالع من الماتش احساس بالكبر و العنتظة وهو خارج ومعترض على التبديل .. وانا بقول كده من باب النقد المحب لأني مش فاهم الحالة النرجسية دي جاية منين”.
وتابع :” البوست اللي علمه مصطفى شلبي في بداية الأزمة بعد كده كان واحد من أهم الأسباب اللي زودت المشكلة، وبقوله لو سالت الجماهير محدش راضي عن مستواك أو عن اللي عملته بعد كده، وانت معندكش رصيد كبير من العطاء داخل الزمالك عشان الجمهور يعدى ليك أي حاجة”.
وأوضح ” عبد الجواد” :” انت لاعب مع الزمالك في سنتين 61 مباراة وسجل فيها 9 أهداف وصناعة 13 هدف فقط .. ودي مش أرقام تخليك تتعامل بالنجومية اللي بتتعامل بيها”.
وأختتم ” عبد الجواد” :” لقطات مصطفى شلبي كترت جدًا خارج الملعب ومش لاقي ليها سند في أرض الملعب، ومحدش مثلا شاف زيزو على سبيل المثال عمل كده”.
شاهد:
