فتح الله يستشهد بموقف لاعبي الزمالك أمام الإسماعيلي للرد على الأهلاويه الشامتين في أزمة ثلاثي الأبيض- فيديو

هاجم محمود فتح الله، نجم الزمالك السابق، الشامتين في
حبس ثلاثي الأبيض عبد الواحد السيد ونبيل عماد دونجا ومصطفى شلبي، بسبب المشاده الكلامية مع فرد أمن بستاد آل نهيان بأبوظبي.

وقال فتح الله، خلال تصريحات تليفزيونية ببرنامج “اللعيب”، عبر قناة”mbc مصر”: “لما نزلت صورة لاعبي الزمالك في ناس بتتريق وتسخن، وتقولك شوفوا موقف الاهلي مع كهربا وادارة الزمالك، علشان تعرفوا ان الاهلي كبير، احنا عارفين الاهلي كبير، لكن مش محتاجين نسخن ونشمت، دول مرضى نفسيين الي يشمتوا”.

واضاف:” مينفعش ازايد على حد في ازمة ومن امتى بنشمت في المصايب كنا زمان محترمين، حفل لما يخسروا اكسبني بكره وحفل، انما الحبس محدش يشمت فيه زيه زي الموت”.

وتابع:” ناس منتمين للاهلي بيطلعوا في السوشيال ميديا والقنوات اشمت في مصيبه؟، مينفعش اشوف ناس مصريين محبوسه بره واطلع ازايد واشمت “.

وشدد فتح الله:” لما الناس ماتت في بورسعيد اثناء مباراة الأهلي والمصري وربنا لايعيدها، قلنا في الزمالك مش هنكمل مباراة الاسماعيلي وقتها ورفضنا استكمال المباراة”.

وأختتم: “ناس منتمين للأهلي لاعبين قدامي واعلاميين طلعوا شمتوا في لاعبي الزمالك، وكل من شمت وزايد مرضى نفسيين، وانا لو عملت كده في يوم هكون مريض نفسي”.
شاهد: