فضيحة !! سيراميكا كليوباترا يعترف بصحة حديث ياسر ريان ويؤكد رفض بيع لاعبيه للزمالك لإرضاء الأهلي !! – فيديو

رد معتز البطاوي المدير الرياضي لنادي سيراميكا كليوباترا ، على تصريحات ياسر ريان والد احمد ياسر مهاجم الفريق المنتقل الى البنك الأهلي .

وأكد البطاوي ، انه بالفعل هناك نظام داخل النادي برفض بيع لاعبين تم التعاقد معهم من الأهلي الى الزمالك والعكس .

وقال معتز البطاوي في تصريحات لبرنامج ستاد المحور المذاع عبر شاشة قناة المحور الفضائية تقديم الإعلامي خالد الغندور : كلام كابتن ياسر ريان ؟ علاقتنا جيدة جيدة بكل أندية مصر وبنتعاون معاهم دايما.

وواصل : آخر عرض جه من الزمالك لضم احمد ريان كان في يناير الماضي لكن الموسم ده مجاش ، ووقتها كنا في حاجه فنية شديدة له ودا كلام مدير فني ، وفي نفس الوقت كان فيه عرض من الأهلي لضم محمد بسام وبرده رفضنا لنفس السبب.

وأكد : احنا عندنا سياسية ، اي لاعب بيجي من الأهلي مينفعش نوديه الزمالك والعكس.

وأضاف : رفضنا عرض احمد رمضان بيكهام علشان جاي من الأهلي ؟ لا مش دا السبب الموضوع بيبقي له شقين ، وسبب الرفض كان فني.

كان قد اجري ياسر ريان حوار أثار الجدل امس.

وجاء للحديث بين الإعلامي خالد الغندور وياسر ريان كالتالي :

خالد الغندور: أحمد ابنك وقع لنادي الزمالك فعلا في وقت سابق؟ وسيراميكا رفض يخليه يروح الزمالك؟

ياسر ريان : اه حصل وقع لنادي الزمالك والعقود معايا خدتها تاني لان سيراميكا رفض بيعه وقتها لنادي الزمالك.

خالد الغندور : الغريب أن سيراميكا ساب اللاعب بعدها راح البنك الأهلي طيب ليه مراحشي الزمالك؟

ياسر ريان : كابتن ايمن الرمادي قالنا وقتها أنه مدي وعد للنادي الأهلي أن أي لاعب جاي من عندهم ميروحشي الزمالك

خالد الغندور: هو اتقال إنه تم رفض بيع اللاعب لنادي الزمالك علشان سيراميكا كان رافض يبيع بسام للأهلي بعد اصابه الشناوي بس هما مشوا احمد للبنك لكن بسام مكمل

ياسر ريان : سيراميكا مكنشي عايز وجع دماغ ولا يخسر الأهلي فهو يروح البنك الأهلي عادي والبنك براحته بقى يوديه اي حته خصوصا أن سيراميكا بتربطه علاقه قويه بالنادي الأهلي وفي لعيبه رايحه جايه بينهم ومكنشي حابب يخسرهم لو أحمد ابني راح الزمالك.

شاهد الفيديو