” متجبش جزمة كورة”.. تعليق قوي من إبراهيم عبد الجواد على عقوبات ثلاثي الزمالك – فيديو
علق الإعلامي إبراهيم عبد الجواد على العقوبات التي أعلن عنها اتحاد الكرة على ثلاثي نادي الزمالك بسبب أحداث مباراة بيراميدز في نصف نهائي كأس السوبر المصري
وكان اتحاد الكرة تغريم الزمالك 20 ألف جنيه بسبب السباب الجماعي في مباراة بيراميدز، مع إيقاف ثلاثي الزمالك عبد الواحد السيد مدير الكرة وثنائي الفريق مصطفى شلبي ونبيل عماد دونجا 4 مباريات وتغريمهم 20 ألف جنيه
وقال ” عبد الجواد” :” العقوبات دي المفروض تتحط قدام الاستاذ طه عزت مدير المسابقات الجديد، عشان يتلافى كل اللى حصل فيه في الموسم الجديد لأن طريقة الإعلان عن العقوبات مثال ولا أوضح لكل الموبقات على مدار السنين اللى فاتت في الكرة المصرية”.
وأضاف ” عبد الجواد” خلال تقديمه حلقة جديدة من برنامج ” ملعب أون” على قناة ” أون تايم سبورتس” : “عقوبات هزلية على مستوى العقوبة المادية، الـ 20 ألف جنيه دي مبقتش موجوده فى أي حاجة جزمة الكورة اللى بيجبها اللاعيبة أغلى من 20 ألف جنيه”.
وتابع :”على أي أساس طلعت العقوبات النهاردة .. مش لو العقوبات دي طلعت بعد المباراة مباشرة مكنوش لعبوا مباراة النهائي لو محصلش الأزمة اللى حصلت .. اية الاطار الزمني اللى على اساسة العقوبات بتصدر بعد كذه يوم”.
وشدد ” عبد الجواد” :” نتمنى من إن المسؤول عن الكرة المصرية ميحطش في دماغه أي حسابات خاصة أو يخاف من زعل جمهور زمالك أو أهلي إنت عندك لائحة طبقها على كل الناس مهما اختلفت الألوان او الأسماء”.
شاهد:
جزمة الكرة دلوقتي أغلى من العقوبة دي 😮 وعلي أي أساس طلعت العقوبات دلوقتي؟ 🔥 تعليق قوي من إبراهيم عبد الجواد على عقوبات ثلاثي الزمالك بعد أحداث مباراة بيراميدز 👌 #ملعب_ON pic.twitter.com/XZHfKJxxJT
— OnTime Sports (@ONTimeSports) October 31, 2024
