مجدي عبد الغني ردًا على اتهامه بتزوير عقد كهربا لصالح الزمالك ..” كان بيقولى انت أبويا وهذه هي الحقيقة” – فيديو
رد مجدي عبد الغني رئيس لجنة شئون اللاعبين السابق في الاتحاد المصري لكرة القدم على حقيقة تورطه في تزوير عقد اللاعب محمود عبد المنعم كهربا لاعب النادي الأهلي والزمالك السابق، خلال فترة تواجده داخل القلعة البيضاء.
وبسؤاله أنت متهم بأنك زورت عقد كهربا لصالح نادي الزمالك ؟، رد ” عبد الغني” :” إيه إللي يخليني أخش طرف بين كهربا والزمالك أو الأهلي”.
أشار :” أنا راجل مسؤول عن شئون اللاعبين، لو وصل لي عقد من نادي مش مطلوب مني إني أعرف إذا كان موقع على بياض ولا لا”.
وأضاف ” عبد الغني” خلال استضافته في برنامج ” الكورة مع فايق” على قناة ” إم بي سي مصر 2 ” :” العقد كان مليان وسليم والبصمة سليمة، طالما جاء لي عقد طالما تم دفع الرسوم من قبل النادي في الموعد المحدد لا بد أن يوثق، كهربا كان بيقولي إنت أبويا، الصح لازم أعمله”.
وتابع :” كهربا اللي اتهمني عشان يبرأ موقفه، وحتى هو مأخدش رأيي قبل أن يسافر للبرتغال في البلد اللي انا احترفت فيها، هو سافر وهو موقع على عقدين في وقت واحد، ده كويس إنه لم يتعرض للإيقاف”.
وأوضخ ” عبد الغني “: ” لو كان طلب مني النصيحة كنت سأقول له لا تسافر للبرتغال لأن هذا سيضرك، أنا مظلمتش كهربا، هظلمه ليه إيه اللي يخليني أظلم أي طرف من الأطراف، أنا بشتغل بما يرضي الله، ومواضيع كتير حليتها بعيدًا عن التحقيقات وده من ثقة الناس فيا”.
شاهد:
