محمود فتح الله ينفجر: “مش كل واحد لعب كورة يبقى ممكن نسمعه.. والدوري المصري ميستهلش البرامج دي كلها!!” فيديو
شن النجم السابق محمود فتح الله هجوماً حاداً على الإعلام الرياضي المصري، واصفاً إياه بأنه يعاني من تدهور في المستوى.
وانتقد فتح الله بشكل خاص ظاهرة استضافة لاعبين سابقين في البرامج التليفزيونية دون أن يكون لديهم الكفاءة أو الخبرة الكافية لتحليل الأحداث الرياضية.
وأكد فتح الله أن هذا الأمر يؤثر سلباً على جودة النقاش الرياضي ويضر بسمعة الكرة المصرية.
قال محمود فتح في تصريحات عبر قناة “ملعب أون تايم”: “إحنا بنعيش واقع سيء، ومش كل واحد لعب كرة يبقى ممكن يتكلم ونسمعه، ومش كل واحد لعب كرة يكون عنده برنامج، والقنوات زادت ومش عارفين يعملوا إيه، فبيستضيفوا ناس تتكلم في أي حاجة”.
وتابع: “الدوري المصري ميستاهلش البرامج دي كلها، والموضوع بقى سهل والناس بتسمع أي حد، وهناك لاعبين عندما تبتعد عنهم الأضواء فضلوا الظهور في البرامج وبيقولوا أي كلام لمجرد التريند ويرجعوا يتسمعوا تاني من الجماهير”.
وشدد: “وأنا مش هلوم الناس دي، لإنهم لقوا الطريق الفاشل هو الأسهل، لكن هلوم اللي بيجيبهم ويعملهم برامج تلاقيه برا الاستوديو أفكاره كويسة وشخص عاقل بس بيتحول قدام الشاشة عشان يجيب مشاهدات”.
وأتم محمود فتح الله: “أتمنى الوسط الرياضي، والأداء الإعلامي يقتصر على المختصين فقط”.
