فجر علي كرماني وكيل الجزائري زين الدين بلعيد، مفاجأة مدوية ، بعدما أكد صحة تصريحات احمد قندوسي لاعب الأهلي المعار الى سيراميكا كليوباترا ، حول فشل الصفقة بسبب فرض وكلاء .
وكان القندوسي قد قال في تصريحات تليفزيونية: “موضوع زين الدين بلعيد فشل بسبب الوكلاء، ولا فلوس ولا حاجة، كل اللي بيطلع في الإعلام كذب، محدش عنده الحق، نا أقولك الصح، هو باظ عشان الوكلاء، زين الدين بلعيد كان 70% من الأهلي، هو هييجي بوكيله، لكن الناس عشان يدخل في الأهلي لازم يدخل مع فلان وكيل لاعبين”.
وقال علي كرماني وكيل زين بلعيد في تصريحات لبرنامج ملعب اون تايم المذاع عبر شاشة قناة اون تايم سبورتس الفضائية تقديم الإعلامي سيف زاهر : مقدرش أقول تفاصيل كلامي مع كابتن محمد رمضان ، هو حب يتاكد إذا كان كلام قندوسي صح ولا لا ودا سبب المكالمة.
وواصل : كان فيه اختلاف على الوكلاء لذلك اللى قاله قندوسي صحيح بنسبة 100٪، بلعيد مكانش عنده مشكلة مع الأهلي ، الأزمة كانت أزمة وكلاء.
وأكد : ما قاله بلعيد عن ان الأهلي مفرضش عليه حد صحيح لأن مفرضوش عليه وكلاء بطريقة مباشرة.
وشدد : بلعيد مجاش الأهلي ليه ؟ عنده أسباب شخصية ، بلعيد اختار المشروع الرياضي في أوروبا وانا اللى اخترته له وهو ضميره مرتاح.
وتابع : قندوسي حر في كلامة ، الصفقة كل ما كان فيها وكلاء كتير بيبقي فيها مشاكل خصوصا لو مش متفقين مع بعض.
واستمر : اشك أن زين الدين بلعيد هو من كتب البوست الخاص به على انستجرام.
وأضاف : لم يٌفرض على بلعيد وكلاء بطريقة مباشرة، كان هناك وكلاء خفيين، هناك من وقع معه في منزله من أجل التوقيع للأهلي.
وأتم : عقدي مستمر مع بلعيد حتي 2026.
شاهد الفيديو
