أكد الإعلامي خالد الغندور إن سيف فاروق جعفر لاعب الزمالك غاب عن تدريبات الفريق الأبيض خلال اليومين الماضيين.
وقال الغندور خلال برنامجه “ستاد المحور”:”ممدوح عباس كان صاحب قرار عودة سيف فاروق جعفر للزمالك من بيراميدز”
وأضاف: “سيف من يومين مش بيروح تدريبات الزمالك وزعلان شوية من الموقف اللي هو محطوط فيه، طبعا سيف كان بيشارك في التدريبات الفردية مع المستبعدين اللي هما سامسون ومحمد عاطف ومهاب ياسر والمدافع الشاب احمد رفاعي، سيف كان جايله عرض صربي والزمالك رفضه”.
وتابع الغندور:” الزمالك رفض العرض الصربي لسيف فاروق جعفر،لانه كان هيبقى إعارة مجانية لمدة موسم والزمالك رحب، ولكن بوضع بند شراء بمبلغ مالي كبير والنادي الصربي تحفظ على ذلك وفشل الانتقال”.
وشدد: “سيف كان يملك عرض إعارة من غزل المحلة واللاعب رفض يروح المحلة كان في كذا نادي تاني بس الامور مش ماشية “.
واردف الغندور: ” الأزمة أن جوميز شايف إن اللاعب من الأفضل أن يخرج إعارة أو بيع لأنه صعب ياخد فرصة، في نفس الوقت الادارة لما شافت ان اللاعب ممكن ميخرجش اعارة سجلته في القايمة الافريقية والمحلية تحسبا لبقائه”.
وأختتم:” سيف زعلان لأن بيتكلم مع الادارة يقولوله المدرب اللي مش عايزك ويتكلم مع المدرب يقوله الملف مع الادارة .. والحقيقة إن جوميز هو اللي شايف أن سيف يخرج يلعب أفضل بدل ما يفضل وميخدش أي فرصة للمشاركة”.
