رد محمد صبحي، حارس مرمى الزمالك، على اتهامه بالهروب مباراة السوبر الأفريقي أمام الأهلي، مؤكدا أنه كان مصابا قبل السوبر بأيام لكن الجهاز تكتم على الإصابة.
وقال صبحي في تصريحات تليفزيونية لقناة “أون تايم سبورتس1”: “تابعت بعض الناس التى فسرت إصابتي بأنه هروب من اللقاء، والبعض قال إن السبب في تناول المنشطات، وتعجبت من هذه الشائعات”.
وتابع:” “عتابي على بعض الصحفيين الذين تناولوا إصابتى باتهامات باطلة، وأجريت كشف المنشطات يوم الثلاثاء الذي سبق السوبر، فكيف يتهمونى بتناول المنشطات وما الغرض؟”.
وشدد صبحي:”انا مصاب منذ يوم الاربعاء اي قبل السوبر الافريقي بيومين، في شائعات كثيره تقال وانا مش بحبك فاتكلم عليك وحش وانت متعرفنيش”.
وواصل:” ومش بتكلم على نفسي فقط ولكن وفي كباتن بيكلموا على شيكابالا الاسطورة وزيزو ياجماعه عيب، واحد كان بيكلم على شيكا كان قبلها بيشكر فيه انت علشان مشاهدات تعمل كده، وبنضحك علي الكلام اللي بيتقال علينا، انا ازعل على نفسي لوقصرت هو مش ابويا وامي علشان تزعل عليا”.
وأردف: “يوم الخميس كنت تعبان ونظرت لمصلحة الفريق وكنت هموت وألعب ولوكان المنافس درجه رابعه برده مش هلعب وانا حاسس ان مصاب” .
وأكمل صبحي: من و انا 19 سنه لعبت بطولة افريقيا مع منتخب مصر ولعبت تحت ضغط كبير، يوم الخميس اخطرتهم انني لن استطيع المشاركه لانني مصاب علشان مضيعش مجهود زملائي
وأتم: “لمابكون بلعب بكون مركز لوحد كلمني بيضيع تركيزي والله والله والله كنت متأكد ان عواد سبب الفوز، وحقه يحتفل من اسباب الفوز، الموسم ده اول مرة من5 سنين بدايتنا تكون مختلفه ونعمل حاجه كلنا ايد واحده، وده دور اللاعبين الكبار ونلعب بلياردو وبينج بونج، وكل الفريق ملتزم وطريقه الكلام قول احنا هنعمل حاجه”.
شاهد:
