كشف هشام نصر نائب رئيس مجلس إدارة نادي الزمالك ، عن تفاصيل أزمة يوسف حسن مع الزمالك .
وقال هشام نصر في تصريحاته لبرنامج ملعب اون تايم المذاع عبر شاشة قناة اون تايم سبورتس الفضائية تقديم الإعلامي إبراهيم عبد الجواد : تواصلت مع يوسف حسن قبل ما اكون في المجلس ، لان حالته كانت صعبة ، وبعته لطبيب منتخب اليد ، كشف عليه وعمل الإشاعات اللازمة ، والعملية حرجه شوية.
وشدد : تواصلت وقتها مع دكتور محمد أسامة ، وقالي لازم يعمل العملية ، لكن لازم يمر بمراحل علاج قبل العملية.
وتابع : تواصلت وقتها وقلت مستعد اعمل العملية على حسابي ، إدارة الكرة في الزمالك رفضت وقالت النادي اللي يتكفل بالموضوع.
واستمر : كان فيه تغيير في المدربين فكان فيه عدم تركيز مع اللاعبين ، جوميز مشافوش ، جوميز قال طالما مكانش موجود في الفترة اللي فاتت دي كلها يبقي مش هيقدر يكمل معايا.
وأكد : اللى انا عرفته ان فيه تواصل مع كابتن ايمن الشريعي ، ولسه قدامه فترة علشان يرجع ، هو مهاجم كبير لكن الإصابة دايما بتعطل.
واستطرد : ربنا يوفقه في التجربة الجديدة ، لسه سنه صغير ووقتها ممكن نرجع نجري وراه تاني.
واستكمل : يوسف لسه قدامه 5 شهور كمان والمدرب بيبقي عاوز اللعيب الجاهز ، لأن دا نظام الأندية اللى بتنافس على البطولات الكبيرة.
وزاد : انا بنصحه ميستعجلش ، لان القرحة بتتجدد وبتحتاج وقت.
شاهد الفيديو
