هل تسبب حسين لبيب في رحيل عدلي القيعي عن الأهلي ؟ تلميح خطير من الغندور !! – فيديو

فجر الإعلامي خالد الغندور مفاجأة مدوية ،بعدما أكد ان تصريح حسين لبيب رئيس الزمالك الغاضب ، عن ان من يسئ للزمالك سيتم اقصائه من المشهد الرياضي ، كان ردا على حديث عدلي القيعي رئيس شركة الكرة بالنادي الأهلي .

وأكد الغندور، ان لبيب يري ان القيعي أساء للزمالك بشدة ، عندما برر ضم امام عاشور للأهلي بعد الإساءة لرموزه، ان حينها لم يكن اللاعب في بيئه جيدة .

وقال الغندور مقدم برنامج ستاد المحور المذاع عبر شاشة قناة المحور الفضائية : الناس زعلت لما حسين لبيب رد وقال الزمالك أكبر قلعة رياضية في مصر ، ومش هسكت بعد كدا وأي حد هيغلط في الزمالك هنبعده عن الرياضة.

وزاد : كابتن حسين لبيب رد على كلام المهندس عدلي القيعي ، لما قال ان امام قبل ما يجي الزمالك غلط في الأهلي علشان مكانش متربي في بيئة كويسة ، ولما جه الأهلي ربيناه وعلمناه ، معني الكلام دا ان اللي بيبقي موجود في الزمالك مش متربي وبيئته مش كويسة.

واستمر الغندور : أنا الكابتن التاريخي للزمالك ويشرفني إني اتربيت في بيئة طبيعية ، فيها اللي بيغلط وبيتوب تاني زي ما ربنا قال.

واستطرد : عدلي القيعي وعلاء عزت بيغلطوا في حق الزمالك ، إزاي زعلان من امام عاشور انه أهان رموز الأهلي ، وانت نفسك بتهين الزمالك بكلامك ، لمجرد إنك تلاقي مبرر لغلط امام عاشور ، اللي شتم صالح سليم وشوبير والخطيب وحسن حمدي وضرب وليد سليمان بالشلوط وعمل حاجات كتير غلط .

وأشار : انت بتدور على مبرر لغلط امام وتعاقدك معاه انه كان موجود في مكان بيئته مش كويسه.

وأضاف : الأهلي بيقول أعظم نادي في الكون وفوق الجميع ، طب كابتن حسين مش مسموح له يزود في الكلام عن أكبر قلعة رياضية في مصر ، وانت مسموح لك تقلل من الزمالك ؟؟

وأتم : كابتن حسين لبيب بعد التتويج بالسوبر الأفريقي كان جواه حاجات كتير علشان كدا طلعها لما أتكلم في الإعلام.

جدير بالذكر أن الأهلي أعلن بشكل رسمي منذ أيام رحيل أعضاء شركة الكرة برئاسة عدلي القيعي ، وتعيين لجنة جديدة .

شاهد الفيديو