فتح وائل جمعة لاعب الأهلي السابق، النار على حسام حسن المدير الفني لمنتخب مصر الأول بسبب تصريحاته، وكشف سر إستبعاد عمر جابر نجم الزمالك من صفوف الفراعنة.
وقال جمعة خلال تصريحات تليفزيونية عبر قناة “بي ان؛ سبورتس2″:” حسام حسن مبقاش صغير عنده تقريبا 58 سنة، احنا مش لسه هنعلمه الكلام، نجيب مين أحسن من محمد صلاح وفورمة أفضل للاعبين زي محمود حسن تريزيجيه وعمر مرموش”.
وتابع: “العناصر الحالية تمتلك خبرة مميزة وظهرت في نهائي أمم أفريقيا مرتين، أنت مدرب منتخب مصر ليه تشغل نفسك واللاعيبين بالناس اللي كانوا موجدين”.
وشدد جمعة:” حسام حسن يشعر بالاضطهاد وعليه النظر إلى الأداء والنتائج والابتعاد عن تكرار المشاكل بسبب التصريحات في كل معسكر”.
وأختتم: “حسام حسن عنده مشاكل شخصية مع عمر جابر وعمر كمال عبد الواحد، وازاي لم يتم استدعاء سام مرسي الي بيلعب في البريمر ليج وتقولولي عشان اللغه !! لغة ايه يجماعه ده تهريج”.
