كشف يوسف حسن مهاجم الفريق الأول لكرة القدم بنادي الزمالك المنضم حديثا لنادي إنبي ، عن تفاصيل رحيله عن الزمالك، مؤكدا ان المدرب عندما شاهده في المرة الأولى يتأهل حول الملعب ، طلب مغادرته .
وقال يوسف حسن في تصريحات لبرنامج ملعب اون تايم المذاع عبر شاشة قناة اون تايم سبورتس الفضائية تقديم الإعلامي إبراهيم عبد الجواد : انضميت لمشروع كابتن ايمن الشريعي تبع نادي إنبي ، محطوطلي برنامج خاص ولما اكون جاهز يا هروح اوروبا يا أكون موجود مع انبي.
وشدد : جيت الزمالك لعبت مع فيريرا هو اللى اختارني بالاسم قبل ما أشارك معاه ، قالي انت هتبقي في حته تانيه بس ركز في الملعب وقلتله هبقي قد المسؤولية.
وتابع : لعبت قدام بيراميدز تاني يوم ، ولعبت 9 ماتشات بعدها ، وجالي إصابة في الانكل قدام المقاولون جالي قرحة في مكان الإصابة ، فكان لازم أعمل عملية ، وقعدت 4 شهور أكلم المسؤولين.
وزاد : وبعدها كنت بعمل تأهيل وبجري حوالين الملعب ، لقيت حد بيقولي جوميز مش عاوز حد يجري حوالين الملعب ، قلتله لو لاعب كبير هتقوله كدا ؟ و جوميز يعرفني منين أصلا ؟؟
واستمر : علشان كدا نزلت بوست وقلت مفيش اهتمام ،وكيلي مش بيهتم ولا بيرد عليا.
شاهد الفيديو
