هاجم أحمد سليمان، عضو مجلس إدارة الزمالك، حسام حسن المدير الفني لمنتخب مصر بسبب لاعبي الفارس الأبيض وعدم مشاركتهم مع الفراعنة.
وقال سليمان، خلال تصريحات تليفزيونية ببرنامج “اللعيب”، عبر قناة”mbc مصر”:” متضايق جدا من ان لاعبي الزمالك مش واخدين حقهم في المنتخب، عمر جابر منضمش رغم الاشاده به من الجميع، محمد شحاته لعب دقيقتين اتصاب وعملتلي ازمة وحسام عبدالمجيد احسن مدافع في مصر يقعد احتياطي؟ “.
وأضاف:” عواد له دور كبير في السوبر الافريقي وبطولة الكونفدرالية قاعد احتياطي؟، وماخدش فرصته، انا مش هعدي اللي حصل مع عواد بالساهل، وكلام المدير الفني للمنتخب بيقلل من امكانيات عواد، ده يخليني كمشرف اطلب من مجلس الادارة والمدير الفني، عدم انضمام اللعيبه لمنتخب مصر، حقي ان امنعهم “.
واستطرد سليمان:” انت تاخد لعيبتي وتهملهم، لا مش هينضموا والحضري قدم اعتذار سنه عن المنتخب، لو الاسلوب استمر وهذا ليس قراري هقدم مذكره للجنه الكره وجوميز، لان طريقه التعامل معهم غير جيده، ومقعد حسام وعواد احسن حارس لايلعب”.
وزاد: “الموضوع لواستمر هقدم اقتراح لمجلس الإدارة احتفظ بلعيبتي، وحقي احافظ عليهم، محمد شحاته اتصاب وهيغيب 8 اساييع وهو لاعب اساسي عندي”.
وأكمل سليمان:” كلامي مش مفاجاة ايام تاردللي الحضري زعل واعتذر مده عن المنتخب ولا اتعاقب ولا حاجه واستمر ولعب مع الاهلي، اللي حدث مع لاعبي الزمالك لن اعديه”.
وأتم: “عواد ميلعبش ليه؟ واخد بطولتين قارتين، وعمر جابر متاخدش ليه؟، وانت واخد 2 في مركز واحد من نفس النادي”.
شاهد:
