أول تعليق من ميدو على أزمة تهرب امام عاشور من المنتخب وحكم حبس اللاعب !! – فيديو

علق احمد حسام ميدو ، على أزمة اتهام امام عاشور بالتهرب من معسكرات منتخب مصر حسب ما المح ايهاب الكومي عضو اتحاد الكرة ، بجانب الحكم بحبس اللاعب اليوم بسبب اعتدائه على احد افراد الأمن في احد المولات .

وقال ميدو في تصريحات لبرنامج ملعب اون تايم المذاع عبر شاشة قناة اون تايم سبورتس الفضائية تقديم الإعلامي إبراهيم عبد الجواد :مينفعش عضو اتحاد كرة يطلع يلمح لتهرب امام عاشور من المنتخب بدون دليل واضح معاه.

وواصل : فيه لجان الكترونية بتعصب الجماهير ، وبقي شباب بينفذ أجندة للي بيدفع له آخر الشهر ، فوصلت لمرحلة ان مبقاش فيه انسانية وشماته في المواقف الصعبة.

وأشار : وللأسف فيه شباب بيحبوا انديتهم بينساقوا ورا الكلام ده

وأكد : لازم المسئولين يدخلوا وبيشوفوا الموضوع علشان منوصلش لمرحلة صعبة.

وزاد :بقول للعيبة خدوا الشناوي وزيزو وعبد الشافي والمثلوثي وعواد و السولية ومروان عطية وعمر جابر مثال ليكم مركزين في الكرة فقط.

وأتم : اللعيبة اللى بتعمل لقطه في الماتشات دي شخصيتها ضعيفة كمان مش بتتحمل الهجوم وبيختفوا في الماتشات الكبيرة فهما بيعرضوا نفسهم للأذي.

شاهد الفيديو