إبراهيم عبدالجواد يفتح النار على إمام عاشور بسبب الزمالك.. “الحته التانية خيرها عليك” – فيديو
فتح الإعلامي إبراهيم عبدالجواد، النار على إمام عاشور لاعب الأهلي، بسبب تلميحاته ضد نادي الزمالك.
وقال عبدالجواد، خلال تصريحات تليفزيونية ببرنامج “ملعب أون”، عبر قناة “أون تايم سبورتس1″:” إمام نزل اعتذار، لكن العبره بالملعب ولا بالتريندات الرخيصه هتجيب بطولات الجمهور هيشيلك فوق دماغه، الجمهور يهمه البطولات واسهامك فيها، ولكن مهما عملت تريندات لو مستواك نزل محدش هيسمي عليك”.
وأضاف: “جو التلقيح بتاع الحته التانيه والتالته والرابعه انت لوملكش خير في الحته التانيه مش هيبقى لك خير في حد، لان الحته التانية دي هي اللي عملتلك اسم ووديتك المنتخب وخلت الاهلي اشتراك، وتذكر كلامك ونصيحة الخطيب لك علشان تعرف بيحترم الحته النانيه ازاي في اشارة (لكلام الخطيب بعدم دخوله في عدواة مع جماهير الزمالك)”.
وزاد عبد الجواد:” المفروض لما تغلط تقول اسف ونقطه، لكن تدعي المظلوميه، لما عملت ريبوست وبتتريق على مدير الكرة دي برده متفبركه؟، وظلت على اكونتك 50 دقيقه وحذفتها بعد تدخل كبار الفريق، بدل ما تدعي المظلوميه وترميه على الغير، اعتذر وقول شكرا ومتقبل العقوبة وبس”.
وشدد:” انت لو شديت خط دلوقتي، فانت مش هتيجي حاجه في لاعبي الاهلي في خط الوسط على مدار تاريخه، انت لاعب جامد واحسن موهبه، لكن لوشديت خطك فتاريخك مش حاجه، الـ5 بطولات اللي حققتهم ولا حاجه اي عيل صغير بيعدي قدام النادي بيحقق بطولات، رامي ربيعه معه 6 بطولات افريقيا في انديه ماخدتش الرقم ده”.
وأكمل: “الصبحة ثم الصحبة ثم الصحبه والناس بتكتبلك التويتات والكلام ده مش بيخيل على الجماهير ادائك هو البرهان علي تقدير وحب الجماهير، الصحبه ثم الصحبه، لو متحاوط بناس بتقول الكلام التافه هتروح زي غيرك ما راحوا”.
وأتم:” طول مانت مصاحب ناس بتحسسك انك مارادونا الجيل الطريق مش صح، انت لاعب كويس لكن الموهبه بدون عقلية وانضباط واحترام متنفعش، ودول يبانوا وانت دكه وتشجع زميلك تبين ده في التدريبات علشان ترجع اساسي”.
شاهد:
