شن الإعلامي إبراهيم عبد الجواد ، هجوما قويا ضد بعض الإعلاميين المحسوبين على الأهلي ، بعد فضيحة مباراة زد ، عدم احتساب ركلة جزاء للأخير .
وقال ابراهيم عبدالجواد مقدم برنامج ملعب اون تايم المذاع عبر شاشة قناة اون تايم سبورتس الفضائية : لو الناس بتتكلم حقق ، ومن غير لون فانلة ، هتقول على خطأ مباراة زد والأهلي زي خطأ محمد عادل في مباراة الأهلي والبنك.
وأكد : أوصف عنصر المنظومة بشكل فني براحتك ، ودا رأيك ، ولازم الطرف الاخر يتقبل النقد ، لكن اللى بقي بيتقال بكل سهوله ان الحكم مغرض او متامر او مرتشي ، ودا ميرضيش ربنا مينفعش، في الاخر دي كرة ياجماعة.
وأشار : انت بتقول حاجه من وجهة نظرك في صالح ناديك ، لكن انت كدا بتضر المنتج كله ، والموضوع بعد عن أخلاقنا والدين.
وزاد : ابعد عن الذمة و نضافة الايد طالما مش معاك حاجه ملموسة ، دا النيابة والمحكمة بيعملوا إجراءات وتحريات قبل ما يحكموا على حد.
واستمر : الناس شايفة إن في ماتش الزمالك كان فيه مجاملة ، والنهارده برده فيه ناس بتتكلم عن مجاملة الأهلي.
شاهد الفيديو
