الغندور يكشف كواليس مثيرة بشأن جلسة التحقيق مع محمد عادل بسبب الزمالك.. ويطلق تعليق ناري – فيديو
كشف الإعلامي خالد الغندور، كواليس التحقيق مع محمد عادل حكم مباراة الزمالك والبنك الأهلي في الدوري، والتي أحدثت حالة من إثارة الجدل.
وقال الغندور، خلال تصريحات تليفزيونية ببرنامج “ستاد المحور “:” الحكم محمد عادل النهارده كان في جلسه استماع في اتحاد الكرة، ونفى كل التسريبات اللي طلعت على لسانه بأنه قال للحكم محمد سلامه يخربيتك يا ميدو دي خبطه في الأرض وبعدين جت في أيده”
وتابع:” محمد عادل قال في جلسه الاستماع أنه عارف مين اللي مطلع الكلام ده على لسانه، وقال لو في تسجيل زي ده ياريت يذيعوه وانا هروح بيه النيابه نشوف صوتي ولا لأ .. الكلام ده محصلشي”.
وأضاف الغندور:” محمد عادل قال أنا حسبت ضربه جزاء لنادي الزمالك على لمسة الايد الاولى مش الثانيه قبل ما توصل للأرض وشايفها صحيحة”.
وواصل:” الغريب أن في ناس كتيره ماسكه في الحكم محمد عادل، وفي واقعه تسريب محادثه صوتيه ليه بانه ارتكب خطأ قانوني يستوجب إيقافه في حاجه محدش سمعها اصلا ولا اتذاعت للناس “.
وأكمل الغندور:” لكن يوم واقعه الحكم امين عمر اللي كلامه كان مذاع للناس كلها على الهواء، وهو بيرفض يحسب ركلة جزاء لنادي الزمالك في خطأ قانوني، لما قال أصل الكوره ٣/٤ برا وربعها جوا ونسي أن القانون بيقول لازم تتخطى بكامل محيطها “.
وأختتم:” الغريب أن وقتها محدش هاجم الحكم بالشكل ده ولا طلب إيقافه رغم أن ده متذاع ليه صوت وصوره من قلب الملعب وقت المباراة، وواقعه محمد عادل كلام منقول محدش سمعه”.
