وجه أيمن يونس، نجم الزمالك السابق، رسائل نارية إلى إمام عاشور، لاعب وسط الفريق الأول لكرة القدم بالنادي الأهلي.
وقال ” أيمن” :” كل واحد لازم يشوف طريقه وإمام عاشور مش شايف طريقه، ومش شايف نفسه ولا شايف حقيقته، والحقيقة أنه لازم يكون لاعب ملتزم ودولي هي دي قيمته”.
وأضاف ” يونس” في تصريحات لبرنامج ” الهدف” على قناة ” أون تايم سبورتس 2 ” : “لما أنت متشوفش نفسك وتحس بموقفك تبقى مقصر، لأن امكانياته تساعده، ولازم يصدق نفسه إنه يبقى أحسن لاعب في مصر”.
وتابع :” إمام عاشور موهبة خاصة بس الموهبة الخاصة محتاجة وعي ومحتاجة دراية، أنا كلامي ده ولما بتكلم في العموم بعيدا عن الزمالك، بقول كده عشان منتخب مصر”.
وواصل :” سلوك اللاعب جزء من شخصيته، وسلوك إمام عاشور لازم يكون داخل الملعب وخارجه، لأن نجوميتك دي مش بتاعتك أنت لا تمتلك حاجات كتير أي نجوميتك، أنت بتشتغل للمنظومة لبلدك وناديك، مفيش حاجة اسمها قمص وزعل، الكلام ده في المدارس”.
شاهد:
