انا ومحمد عادل على خلاف مع هذا الشخص !! محمد فاروق يخرج عن صمته بعد الرحيل عن لجنة الحكام !! – فيديو

أكد محمد فاروق رئيس لجنة الحكام السابق ، أنه بالفعل هناك خلافات مع إبراهيم نور الدين المدير الفني للجنة الحكام في عهده ، وكذلك هناك خلاف لمحمد عادل مع نفس الشخص .

وقال محمد فاروق في تصريحات لبرنامج ملعب اون تايم المذاع عبر شاشة قناة اون تايم سبورتس الفضائية تقديم الإعلامي سيف زاهر : اتحاد الكرة اقال لجنة الحكام ، أنا مش في اللجنة انا مستقيل من فترة وقلت للكل عاوز امشي.

وأكد : بشكر جمال علام ومجلس الإدارة بالكامل وكل الناس، ببارك لياسر عبدالرؤوف وبقوله كلنا معاك وفي ضهرك واختيار موفق.

وأضاف : جمال علام محترم ، لكن انا استقلت 3 مرات ، مرتين شفوي ومرة مكتوبة ومسببه ، هو قالي متمسك بيك واستحالة تمشي.

واستمر : رجعت في الاستقالة لما وعدني انفذ طلباتي ، لكن يومين وتلاته مفيش حاجه اتنفذت.

وشدد : لازم توفرلي مقومات النجاحات لو عاوزني استمر معاك ، قالي انا جايلي تعليمات انك تكمل ومجبش حد تاني.

واستكمل : كان فيه كلام يجيب سعيد عبدالغفار معانا في اللجنة ووافق ، لكن بعدها قالي انا مش هجيب حد تاني.

وواصل : لما مجابليش حد ، قلت أكمل بطولة السوبر المصري ، لان التحكيم أسرة واحدة، اه فيه خلافات مع إبراهيم نور الدين لكن مش خلافات شخصية ، إبراهيم أخويا الصغير له كل الحب والاحترام.

وتابع : انا ليا طريقة في العمل الإداري ، قلت لجمال علام لو فيه خلافات الأمور مش هتمشي ، لكن قالي اقعد معاه وشوف لو الدنيا هتمشي ، والدنيا مشيت فعلا.

وأكد : كان فيه اختلاف بين محمد عادل وابراهيم نور الدين ، في حاجه في النفوس ، وهما الاتنين مش بيحبوا بعض.

وأتم : سلمنا محمد عادل ؟؟ مين اللى سرب ؟النيابة هتقول مين والموضوع مش هيمر مرور الكرام.

شاهد الفيديو