شن الإعلامي إبراهيم عبد الجواد، هجوما قويا ضد بيرسي تاو لاعب خط وسط الفريق الأول لكرة القدم بالنادي الأهلي ، مؤكدا ان مستواه لا يليق بالأحمر .
يأتي ذلك تزامنا مع إحراج اللاعب لمجلس الأهلي برئاسة محمود الخطيب ، ورفض فسخ عقده بالتراضي في يناير لترك مكان لاجنبي اخر .
وقال ابراهيم عبدالجواد مقدم برنامج ملعب اون تايم المذاع عبر شاشة قناة اون تايم سبورتس الفضائية : المحترف اللى يستحق فلوس فعلا علي معلول ، لأن دا المحترف إللي بجد ودايما مستواه كويس.
وواصل : مش بيرسي تاو اللى لعب 7 ماتشات السنه دي جاب هدفين.
وأكد : بيرسي تاو لعيب جيد بس مش سوبر ، أعمل مقارنة بين الشحات وتاو هتلاقي الشحات متفوق كتير.
وشدد : مينفعش يكون المحترف جيد لازم يكون مميز ودايما حاضر.
وزاد : مش طبيعي تتعاقد مع اجانب وكلهم قاعدين على الدكة ، انت جايب رضا سليم وتاو قاعدين دكة ، والزمالك جايب ميشالاك مقعده دكة ، مينفعش ياجماعة لازم الأجنبي يكون فارق.
وأكد : بص لوسام ابوعلي ، دايما فارق عن اللى بعده ، دا المحترف اللى يليق بالزمالك والأهلي ، والملف دا محتاج شغل كبير من الناس في الزمالك والاهلي.
وأتم : الأهلي قفل ملف تجديد بيرسي تاو.
شاهد الفيديو
