بعد تحريف تصريحاته عن جماهير الزمالك والشيبي..الغندور يفضح لجان السوشيال ميديا – فيديو
أكد الإعلامي خالد الغندور، إن هناك تصريحات تم تداولها على لسانه على صفحات السوشيال ميديا، بأن صلح محمد الشيبي مع حسين الشحات تسبب في غضب جماهير الزمالك وهذا الكلام ليس لها أساس من الصحة ولم يصدر عني.
وقال الغندور، خلال تصريحات تليفزيونية ببرنامج “ستاد المحور”:” اتنشر ليا من يومين خبر فيك ومضروب لتصريحات أنا مقولتهاش نهائيا بعد تصالح حسين الشحات ومحمد الشيبي “.
وأضاف:” فجأه لقيت بوست موحد في صفحات عديدة مكتوب فيه أن خالد الغندور بيقول ” الشيبي خسر جمهور الزمالك بعد الصلح مع حسين الشحات “.
وشدد الغندور:” أنا مش فاهم اللي بيحرك الصفحات دي أنها تفبرك كلام وتصريحات وافتراء أنا مقولتهاش بيستفيد إيه؟”.
وتابع: “كل اللي اتقال ده كذب وتدليس وافتراء، أنا مقولتوش نهائيا وفجأة تلاقيه بقى سكريبت موحد كوبي بيست في أغلب الصفحات”،
وأختتم:” الفيديوهات موجوده واللي قولتله موجود الناس ترجعله وانا معرفشي ايه علاقه جمهور الزمالك بالقصه علشان ناس تقحمه في الموضوع وأنه زعل، كل ده حاجات كذب للاسف وعالم مدلسه”.
