بعد تصريحاته الأخيرة.. رد ناري من إبراهيم عبد الجواد على هجوم جماهير الزمالك ضده- فيديو

رد الإعلامي إبراهيم عبد الجواد، على هجوم جماهير الزمالك ضده، بعد تصريحاته عن أزمة ثلاثي الأبيض في الإمارات، وغضبه من قيمة العقوبة الهزيله الموقعه عليهم من قبل اتحاد الكرة.

وكان عبد الجواد قد هاجم اتحاد الكره بسبب ضعف العقوبة الموقعه على ثلاثي الزمالك، عبد الواحد السيد مدير الكرة، ونبيل عماد دونجا ومصطفى شلبي والمقدره بـ20 ألف جنيه وايقافهم 4 مباريات، بعد ازمة مباراة بيراميدز في السوبر.

وقال عبد الجواد، خلال تصريحات تليفزيونية ببرنامج “ملعب أون” عبر قناة “أون تايم سبورتس1″:” كنت تحدثت بشهادتي عن ماحدث بالامارات، في قطاع من الزملكاويه زعلانين ان قلت ان العقوبات تغلظ، مع كل احترامي لهم، انا مش بصر على كلامي ده، لا هفضل اتكلم في التفاصيل”.

وأردف: “عندنا قطاعات من الجماهير عندها مبدأ ادعي على ابني واكره اللي يڨول امين، واذا اتكلمت على غلط في الزمالك، لازم اجيب كل المواقف للاعبي الاهلي من 2018 علشان ابثت ان اناfair وعادل”.

وشدد عبد الجواد:” احنا مش مطلوب مننا نعمل كده احنا بنقول على الغلط غلط والصح صح، انا مش مطلوب مني اخلق حاجه للاهلي علشان اعمل توازن”.

وتابع: ” انا هكلم على الغلط ومش هقارنه باي حد، ومش هارد على كل واحد، وهنفضل نكلم ونقول غلط لوانتم بتدافعوا على الحق هتقولوا على الغلط غلط والصح صح”.

وأضاف عبد الجواد: “رقم 2 احنا بنشتكي من حاجه ونعمل عكسها بنكلم على اللعيبه للي بتعمل لقطات ونعمل منهم نماذج وابطال، انا ليس لدي حاجه شخصيه مع اللعيبه لما اكلمت على مصطفى شلبي لما اضر بفرقته، لما الزمالك خسر شلبي ودونجا امام الاهلي مش الفريق اللي خسر وقايمته اصلا منقوصه؟”.

وواصل:” بعد اصابه اهم نجومه زيزو وناصر ماهر، مين اللي اضر بغياب دونجا وشلبي؟، مش الزمالك؟، لما لاعب بيخطئ بتحطه فوق سابع سما، انما اللاعب المميز وبيموت نفسه في الملعب تعمل معه ايه؟”.

وأكمل عبد الجواد:” لازم الجماهير تكون ذكيه، لازم تحط الامور في نصابها، دعم فريقك ولكن افصل بين الظرف الانساني وتقول ان دونجا وشلبي غلطوا، انت كده بتساوي بين حط منضبط وحد غير منضبط، دي خطوط فاصله ولن اخجل في الكلام عنها”.

وأختتم:” لازم تكون فطن وتفرق بين الموقف الانساني واقرار الغلط”.
شاهد: