بعد تضارب تصريحات كهربا وعاشور !! سيف زاهر يكشف الكاذب في أزمة حديث امام مع شيكابالا في كأس مصر !! – فيديو
كشف الإعلامي سيف زاهر ، عن مفاجأة حول تضارب تصريحات امام عاشور وكهربا لاعبي الاهلي ، حول ما دار في حوار امام عاشور مع محمود عبدالرازق شيكابالا في كأس مصر بالسعودية .
حيث قال كهربا اثناء حوار سابق مع سيف زاهر : انا مفوض من إمام عاشور لكشف ما حدث بينه وبين شيكابالا، شيكابالا طلب من إمام عاشور العودة مجددا لنادي الزمالك، لكن إمام عاشور رد «أنه في حتة تانية» على حد وصف كهربا نقلا عن عاشور.
بينما قال امام عاشور قصة مختلفة منذ أيام :اللعبة التي تحدث معي فيها شيكابالا.. قال لي أنا زعلان منك، علشان بكلمك وانت ما بتردش، قولتله كلمتك كذا مرة وانت ما ردتش عليا”.
أضاف إمام عاشور:” بعدها كان دونجا يلتحم معي ويضربني في تدخله على الكرة، قلت لشيكابالا خد بالك هديله الإنذار التاني وهطرده، ساعتها شيكابالا ضحك وقاله قوم يا دونجا”.
ومن جانبه قال سيف زاهر مقدم برنامج ملعب اون تايم المذاع عبر شاشة قناة اون تايم سبورتس الفضائية : اثناء لقاء كهربا معايا ، امام عاشور كلم كهربا في الفاصل وهزرنا واتكلموا عن موقف معين علشان كهربا يحكيه على الهوا .
وواصل : وإللي امام قاله لكهربا ، كهربا قاله ، هتقول بس دا مش مطابق لدا ، بغض النظر ، لكن دا اللى حصل، وارد وقتها تكون الأمور ساخنه والأعصاب مشدوده ، لكن كهربا نقل كلام امام زي ماهو
وأتم : علاقة كهربا وامام عاشور كويسة جدا ، وعلاقة الاتنين خط أحمر ، امام عاشور ميبيعش كهربا أبدا.
شاهد الفيديو
