“بيجوا علي المحترم والمتربي” .. لاعب الزمالك يعلن رحيله عن النادي بعد قرار الاستغناء عنه – صورة
كشف علي ياسر مهاجم الزمالك السابق أن إدارة القلعة البيضاء اتخذت قرار برحيله عن الفريق قبل غلق باب القيد الحالي، مشيرًا إلي أنه تفاجئ بهذا القرار دون التواصل معه.
وكتب “ياسر” عبر صحفته الشخصية على موقع التواصل الاجتماعي ” فيس بوك” :” (وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا) بعد إغلاق القيد حابب أقول حاجه بس بعد ما قطعت إعارتي مع نادي مودرن سبورت(فيوتشر)”.
أشار :” لحد النهاردة الصبح كنت مفكر اني متقيد في نادي الزمالك زي ما اتقال ليا بعد محاولات كثيرة من التواصل مع مسؤولي النادي قبل إغلاق القيد لا حد سأل فيا ولا اتواصل معايا عشان اعمل ابسط حقوقي اني انزل اتمرن حتي بعد ما رحت النادي اسأل علي موقفي و اني محتاج اعرف هعمل ايه لأني قاعد ف البيت بقالي شهرين و هقعد ف البيت لحد شهر يناير”.
وأضاف “ياسر” :” اتفاجئت ان النادي استغنى عني قبل ما القيد يقفل بدون علمي لا حد كلف نفسه ثانية يكلمني يقولي علي حاجه ولا حد كلف نفسه ثانية يرد عليا عشان اعرف موقفي بعد ما اتقال ليا قبل كده من مدير الكرة اني متقيد في النادي لحد دلوقتي انا قاعد ف البيت بسبب تعاملي بإحترام واحتراف زي ما اتربيت و اتعلمت من وانا صغير بس فالكورة ساعات بيجوا علي المحترم والمتربي شوية”.
أكمل :” دايما هيفضل عندي قناعة ان فالكورة زي ما في الحلو في الوحش وده جزء كبير من الكرة فبكل الظروف هنعدي بيه و نستحمله عشان دي الحاجه الي الواحد بيعرف يعملها و بيحبها، والله يعلم اني محب ومشجع لنادي الزمالك منذ الصغر و اني كنت اتمنى اتوج مع نادي الزمالك بكل شئ لان ده حلمي منذ الصغر لكن بعض الناس كان لها رأي آخر”.
وواصل :” لكن حابب اشكر الجمهور و الاعيبة والمدربين اللي وقفوا معايا و سندوني في أول ظهور ليا مع نادي الزمالك و فضهري من ونا صغير داخل جدران نادي الزمالك ودايما كانوا اخواتي الكبار ودايما كنت بتعلم منهم و نسأل الله التوفيق فما هو قادم ليا و لنادي الزمالك وشكرا”.
